एसपी रिपोर्टर
जनकपुरधाम, साउन १६ :
जनता समाजवादी पार्टी (जसपा)का अध्यक्ष उपेन्द्र यादवले मधेसलाई सुखा क्षेत्र घोषणा गर्न माग गरेका छन् ।
मुसहर समुदायबाट एसईई उतीर्ण गरेका विद्यार्थीहरुको सम्मानमा अयोजना गरिएको कार्यक्रमको प्रमुख अतिथिको आसनबाट बोल्दै जसपा अध्यक्ष यादवले मधेसलाई सुखा क्षेत्र घोषणा गर्न माग गरेका हुन् । साउन महिनामा खेतहरुमा पानी र धान लागेको हुनुपर्नेमा धूलो उडिरहेकोमा उनले चिन्ता व्यक्त गरे । खडेरीको समस्या समाधान गर्नका लागि गाउँ गाउँमा डीप बोरिङ्गको व्यवस्था गर्न आग्रह गरे ।
नदीनालाले भरिएको देशमा खडेरीको समस्या छ, खेतमा धूलो उडिरहेको छ, जसपा अध्यक्ष यादवले भने ‘चुरे जंगलको विनाश भएकै कारण प्रकृतिले यस्तो रुप देखाईरहेको छ ।’ चुरे जंगलको रक्षा, नदि नालाबाट बालुवा गिट्टी ननिकालिएको भए यस्तो स्थिति उत्पनन हुने थिएको उनले भने ।
यो उर्वर भूमिको रक्षाका लागि चुरेलाई संरिक्षत क्षेत्र घोषणा गर्नु आवश्यक रहेको उनको भनाई थियो ।
यसका साथै सरकारलाई सिँचाई व्यवस्था गरी कृषि उत्पादन बृद्धि तर्फ ध्यान केन्द्रित गर्न समेत उनले आग्रह गरे ।
