एसपी रिपोर्टर
जनकपुरधाम, जेठ १७ : वनमन्त्री विरेन्द्र कुमार महतोले राजनिति एउटा निश्चित कोर्ष लिइसकेको बताउदै वर्तमान सरकार स्थिर सरकारका रुपमा पुरा पाँच वर्ष चल्ने र अस्थिरतालाई भंग गर्ने बताएका छन् ।
जनकपुरधाम विमानस्थलमा सञ्चारकर्मीहरुसंगको सक्षिप्त कुराकानीको क्रममा वनमन्त्री महतोले प्रधामन्त्रीको हुन लागेको भारत भ्रमण पछि नेपाल भारतको सम्बन्ध थप सुदृढ हुनुका साथै वर्तमान सरकारको पनि ति सम्बन्ध र सम्झौताले आयु थप्ने संकेत गरेका छन् ।
मन्त्री महतोले चुरे संरक्षण मुख्य चुनौती रहेको भएपनि वर्तमान बजेटमा बजेट सम्मानजनक नछुट्याइएको बताए । यद्यपि उनले चुरे बजेटले मात्र नभई हरेक जनता र नेताको व्यवहारले पनि मात्र संरक्षण हुने उनको तर्क छ ।
उनले बजेटमा चुरे उत्खननको कुरा गरिएको भनि भइरहेको प्रचार गलत रहेको बताउदै चुरे उत्खनन भन्दा पनि पहाडबाट नदीनालामा बाढीपहिरोको क्रममा बगेर आएका अनावश्यक मेटेरियलहरु देशमा प्रयाप्त खपत नहुने अवस्था रहेको खण्डमा भारतलाई निर्यात गरि आमदानी गर्न सकिने कुरा मात्र रहेको उनले स्पष्ट पारे ।
अवैध उत्खनन रोक्न सरकार अग्रसर रहेको बताउदै उनले यसमा स्थानिय सरकार मुख्य जिम्मेवार हुनुपर्ने र मनमौजी छोडनु पर्ने नभए संघिय सरकार आफनो तरिकाले संरक्षणका कदम चाल्ने बताए ।
