एसपी रिपोर्टर
जनकपुरधाम, जेठ १० :
धनुषा जिल्लमा पछिल्लो समयमा चोरीका घटनाहरु बढ्दै गईरहेको समयमा धनुषा प्रहरीले चोरहरु पक्राउ गर्ने कार्यलाई तीव्रता दिएको छ । धनुषा प्रहरीले सादा पोशाकमा चोर पक्राउ गर्नकालागि गस्ती टोली खटाएपछि चालु आर्थिक वर्ष २०७९÷०८०मा चोरी मुद्दाका ९७ जना चोरहरुलाई पक्राउ गरेको छ ।
चालु आर्थिक वर्षमा हालसम्म दर्ता भएका ९६ वटा चोरी मुद्दामा ९७ जना चोरलाई पक्राउ गरिएको जिल्ला प्रहरी कार्यालय धनुषाले जनाएको छ । घरमा ठूल ठूला चोरी देखि मोटरसाइकल चोर, मोबाइल चोर तथा दमकल चोर लगायतका चोरहरुलाई पक्राउ गरिएको जिल्ला प्रहरी कार्यालय धनुषाका प्रहरी नायव उपरीक्षक वेदप्रसाद गौतमले जानकारी दिए ।
उनका अनुसार चोरी घटनामा पक्राउ भएपनि मुद्दा दर्ता नभएर अभद्र व्यवहारमा ३ सय ३० वटा मुद्दा दर्ता गरिएको छ । जसमा ४ सय जनालाई पक्राउ गरिएको उनले बताए ।
पक्राउ गरिएकामध्ये १ सय ३० जनालाई कारबाही समेत गरि सकिएको उनले बताए । प्रहरी नायब उपरीक्षक गौतमका अनुसार चोरी मुद्दामा २५ जनालाई सिन्धुली कारागार, ९ जनालाई जलेश्वर कारागार र २ जनालाई झुम्का कारागार पठाइएको छ । त्यस्तै अभद्र व्यवहार मुद्दाका ९३ जनालाई सिन्धुली कारागार र १ जनालाई जलेश्वर कारागार पठाइएको छ ।
यता जिल्ला प्रहरी कार्यालय धनुषाले विभिन्न चोरी घटनामा संलग्न रहेको आरोपमा २७ जनालाई पक्राउ गरी सार्वजनिक गरेको छ ।
चोरी घटनामा संलग्न रहेको आरोपमा पक्राउ पर्नेहरुमा जनकपुरधाम १२का बलिराम मण्डल, सुनिल मुखिया, जनकपुरधाम १६का सुशिल पंजियार, जनकपुरधाम २का मुकेश साह, जनकपुरधाम ३का दिवेन्द्र मण्डल, जनकपुरधाम १४का रितेश गुप्ता, जनकपुरधाम १६का रंजित दास, जनकपुरधाम १०का नविनकुमार यादव, जनकपुरधाम ४का सोनुकुमार सहनी, जनकपुरधाम ८का राजकुमार यादव, जनकपुरधाम १७का संजिव राम, क्षिरेश्वरनाथ ५का ईन्दल राम, जनकपुरधाम १४का नारायण साह, जनकपुरधाम १७का साजन मुखिया, जनकपुरधाम ६का सलमान मंसुर, जनकपुरधाम ७का ऐलुन खान, महोत्तरी ६का गुड्डु महतो, रामप्रवेश महतो, जनकपुरधाम २का मुकेश गुप्ता लगायतका रहेका छन ।
