एसपी रिपोर्टर
जनकपुरधाम, जेठ ९ : मधेश प्रदेशका मुख्यमन्त्री सरोज कुमार यादवले मन्त्री परिषद पुर्नगठन गर्दै नेपाली कांगे्रेसलाई विकासे मन्त्रालयमा सपथ खुवाउँदा जनमतलाई भने विना विभागिय मन्त्री बनाइदिएपछि जनमत असन्तुष्ट बनेका छन् । माओवादीले पनि गठबन्धनको मर्म अनुसार नचलेको भन्दै मन्त्री फिर्ताको निर्णय गरेको छ भने लोसपा सरकारमा अटाउन नसक्दा मुख्यमन्त्रीको टाउको दुखाई बनेको छ ।
मधेश सरकारका मुख्यमन्त्री सरोज कुमार यादव मंगलवार नेपाली कांग्रेसका दुई र नेकपा एसका एक गरि तिनजना मन्त्रीहरुलाई सपथ ग्रहण गराएका छन् । कांग्रेसबाट मधेश प्रदेश सभापती तथा संसदिय दलका नेता कृष्ण प्रसाद यादवलाई भौतीक पुर्वाधार विकास, मधेश प्रदेशका कोषाध्यक्ष समेत रहेका सांसद विरेन्द्र कुमार सिंहलाई स्वास्थ्य तथा जनसंख्या र नेकपा एसका मधेश संसदिय दल नेता गोविन्द बहादुर न्यौपानेलाई भुमि व्यवस्था कृषि तथा सहकारी मन्त्रीको जिम्मेवारी सहित पद तथा गोपनियताको सपथ ग्रहण गराएका छन् ।
प्रदेश प्रमुख हरिशंकर मिश्रले नवनियुक्त तिनैजना मन्त्रीलाई नेपालको संविधानको धारा १६८ को उपधारा (९) बमोजिम पद तथा गोपनीयताको शपथ ग्रहण गराएका छन् । मुख्यमन्त्री यादवले गृह सञ्चार तथा कानून मन्त्रालय, वन तथा वातावरण मन्त्रालय र श्रम तथा यातायात मन्त्रालय आफूसँगै राखेका छन् ।
सपथ ग्रहण समारोहमा एक घण्टा विलम्व पुगेका मुख्यमन्त्री यादव भने परेशान देखिन्थे । सपथ ग्रहण भइरहँदा समेत मुख्यमन्त्री गठबन्धनको भागबण्डा मिलाउन फोनमा व्यस्त रहेको देखिन्छ । जनमतसंग कृषि मन्त्रालय खोसेर ति पार्टीका एकजना मन्त्री र एक राज्यमन्त्रीलाई मन्त्रालय विहिन बनाइदिएको भन्दै जनमत मुख्यमन्त्री संग चिढिएका छन भने गठबन्धनको मर्म अनुसार आफुहरु संग कुनै सल्लाह नै नगरि कांग्रेस र नेकपा एसका मन्त्रीहरुको सपथ ग्रहण कार्यक्रम राखेको भन्दै माओवादी संसदिय दलको निर्णयले मन्त्री फिर्ता बोलाउने निर्णय समेत गरिएपछि मुख्यमन्त्री तनावमा छन् ।
आफुहरु मन्त्रीलाई फिर्ता बोलाएको माओवादी संसदिय दलका नेता भरत साहले बताए पनि मुख्यमन्त्री राउत माओवादी सरकारमै रहेको दावी गर्छन । मुख्यमन्त्री यादव लोसपा अध्यक्ष महन्थ ठाकुरसंग विहानै कुराकानी भएको र आजै सपथ ग्रहण गराउन आफु तयार रहेपनि लोसपाले मन्त्रीको नाम दिन नसकेको उनले बताए । मुख्यमन्त्री यादवले जनमत मात्र नभई जसपाबाट मन्त्री बनेकी सुरिता साहलाई पनि बिना विभागिय बनाइएको बताउदै पछि सहमती गरेर टुङ्गो लगाइने बताए ।
नव नियुक्त भौतीक पुर्वाधार विकास मन्त्री तथा कांग्रेस मधेशका नेता कृष्ण यादवले पनि माओवादी र जनमत बारे आफुहरुलाई जानकारी नभएको बताउदै गठबन्धनकै मर्म अनुसार सरकार बन्ने र सहमती हुने दावी गर्छन । माओवादीले एक मन्त्री र राज्यमन्त्री फिर्ता बोलाएको भनिएपनि सपथ ग्रहणमा घोषणा गरिएको मन्त्री परिषदको विवरणमा उनीहरुको नाम मन्त्रालय यथावत राखिएको छ भने जनमतका शिक्षा तथा समाज कल्याण मन्त्री महेश प्रसाद यादवको मन्त्रालय समेत यथावत राखिएको छ । जनमत आक्रोसित नहोस भन्ने उद्देश्यले जसपाबाट वर्तमान समाजिक विकास मन्त्री सुरिता साह र सोहि मन्त्रालयका राज्यमन्त्री शेख अबुल कलामलाई पनि बिना विभागीय तोकिएको छ ।
जनमतबाट यस अघि भुमि व्यवस्था कृषि तथा सहकारी मन्त्री ई. वसन्त कुशवाहा र सोहि मन्त्रालयका राज्यमन्त्री संजय कुमार यादवलाई विना विभागीय तोकिएको छ । एता असन्तुष्ट बनेका माओवादी, लोसपा र जनमतका नेताहरु एकआपसमा छलफल गरेर कसरी अगाडि बढने विषयमा निश्कर्षमा पुग्ने बताइन्छ । उनीहरुले आफुहरुले सम्मानजनक मन्त्रालय नपाए त्यसपछि के गर्ने भन्ने विषयमा समेत रणनिती बनाइरहेको बताइन्छ ।
मंगलवार पुर्नगठन गरिएको मन्त्री परिषदको विवरण
