एसपी रिपोर्टर
काठमाण्डौ, वैशाख १६ : सरकारी वकिलको कार्यालय सरकारको हस्तक्षेपका कारण जसपाको जाहेरी दर्ता नगरेपछि जनताको अदालतमा जाने जसपले बताएको छ । प्रहरीले जाहेरी लिन इन्कार गरेको लिखित कागजात ल्याउनु पर्ने भन्दै जाहेरी दर्ता नभएपछि जसपाका नेताहरु लोकतन्त्रको धज्जी उडाइएको भन्दै अव जनताको अदालतवाट फैसला हुने चेतावन िदिएका छन् । जसपाका नेता राजेन्द्र महतोले भने, ‘अव कति सम्म दादागिरी र मनपरी हुन्छ भन्ने प्रमाणित भयो, त्यसैले जनताको अदालतवाट फैसला गरिन्छ ।’
ओली गुटद्वारा नारावाजी र झगडाको निहुँ : जसपा
जसपाका नेताहरु बबरमहल स्थित सरकारी वकिलको कार्यालयमा जाहेरी दिन गएपछि उनीहरुको जाहेरी त दर्ता भएन भएन उल्टै प्रधानमन्त्री ओली निकटका युवाहरु पनि सोहि समयमा त्याहाँ पुगेर हो हल्ला र नारावाजी गरेका छन् । डा. बाबुराम भट्टराई र हिसिला यमी विरुद्व साइवर क्राइम अपराधको मुद्दा दर्ता गराउन भन्दै त्याहाँ पुगेका उनीहरु जसपाका नेताहरु लक्षित विरोध प्रदर्शन गर्नुका साथै नारावाजी गरेका थिए ।
जसपाका युवाहरु पनि विरोध र नारावाजीमा उत्रेपछि झडपको सम्भावना बढेको थियो । तर व्यापक सुरक्षाकर्मी परिचालन भएकाले झडप हुन सकेन । जसपाका नेताहरु पुगेकै वेला लकडाउनका बिच पनि सोहि समयमा ओली समर्थक युवाहरु त्याहाँ पुगेपछि सरकारी पद र पावरको दुरुपयोग भएको भन्दै पुनः सरकार विरोधी टिका टिप्पनी हुन थालेको छ ।
