एसपी रिपोर्टर
काठमाण्डौं, बैशाख १५ : विवादित बन्दै गएका प्रधानमन्त्री केपि शर्मा ओली विपक्षी र आफनै दलका नेतावाट पनि घेराबन्दीमा पर्न थालेका छन् । आज बसेको विपक्षी तिनदलको बैठकले विभिन्न ३ बुँदे निर्णयहरु गर्दै सरकार सर्वसत्तावाद लाद्यन खोजेको भन्दै घेराबन्दी गर्न संर्घष गर्ने सम्मको निर्णय गरेको छ ।
तीन विपक्षी दलले सरकार सर्वसत्तावादतर्फ अग्रसर भएको निष्कर्ष निकालेका छन् र लोकतन्त्रवादी शक्तिहरुलाई एकतावद्ध गरेर संघर्ष गर्ने प्रतिवद्धता जनाएका छन् । सोमबार कांग्रेस पार्टी कार्यालय सानेपामा जनता समाजवादी दल र राप्रपा शीर्ष नेताहरुको बैठक बसेको थियो । बैठकले सरकार स्वच्छाचारी र सर्वसत्तावादी भएको भन्दै एक भएर संघर्ष गर्ने निर्णय गरेका छन् । सरकारकै संलग्नतामा सांसद डा. सुरेन्द्र यादवको अपहरण भएको उनीहरुको दाबी छ ।
बैठकपछि तीन दलका शीर्ष नेताहरुद्वारा जारी विज्ञप्तिमा भनिएको छ, ‘अपराधिक सवै कार्यको यो बैठक घोर भत्र्सना गर्दछ र अपराधमा संलग्न व्यक्तिहरुलाई तत्काल कानूनी कारबाही अगाडि बढाउन माग गर्दछ ।’ कांग्रेस, जसपा र राप्रपाले लकडाउनका कारण नेपाली अर्थतन्त्रमा परेको असर कम गर्न तत्काल राहत ठोस कार्ययोजना ल्याउन माग गरेका छन् । साथै कोरोना भाइरसको यथार्थ स्थिति पत्ता लगाउन टेष्टमा असाधारण ढिलासुस्ती भएको भन्दै तीव्रता दिन समेत माग गरेका छन् ।
यस्तो छ तिनदलले जारी गरेको विज्ञप्ती
नेकपाले सचिवालय बैठक बोलायो
सत्तारुढ नेपाल कम्युनिस्ट पार्टी (नेकपा) मा केपी शर्मा ओली र माधवकुमार नेपाल पक्षको छलफल सकिएको छ । छलफलबाट मंगलबार सचिवालय बैठक बोलाउने निष्कर्षमा नेताहरू पुगेका छन् । प्रधानमन्त्री एवं नेकपा अध्यक्ष केपी शर्मा ओली र वरिष्ठ नेता माधवकुमार नेपालबीच सोमबार बिहान भेटवार्ता भएको थियो । लगतै दुई पक्षका नेताहरू कोटेश्वरस्थित नेपाल निवासमा छलफलमा जुटेका थिए ।
सचिवालय बैठकवाट माधव नेपाललाई प्रधानमन्त्री ओलीले अध्यक्षको प्रस्ताव गर्न सक्ने बताइएको छ । पार्टीमा तिनजना अध्यक्ष राख्ने प्रस्ताव समेत आउन सक्ने सम्भावना छ । स्रोतका अनुसार त्यतिकै घेराबन्दीमा परिए कार्यकारी अध्यक्ष नेपाललाई बनाउने प्रस्ताव समेत ओलीले गर्न सक्ने छ । ओलीले नेपाल पक्षसँग वार्ता गर्न ईश्वर पोखरेल, विष्णु पौडेल, शंकर पोखरेल र प्रदीप ज्ञवालीलाई जिम्मा दिएका थिए । नेपाल पक्षबाट भीम रावल, सुरेन्द्र पाण्डे, रघुजी पन्त सहभागी थिए ।
