एसपी रिपोर्टर
जनकपुरधाम, चैत १३ : धनुषाको रघुनाथपुरमा भव्य नवाह परायण रामनाम सकिर्तनको शुभारम्भ भएको छ । गाँउवासी सहित समाज र विश्वको कल्यार्णाथ रघुनाथपुर बजार स्थित एतिहाँसिक श्री श्री १०८ श्री हरिहरनाथ महादेव मन्दिरको प्राङ्गणमा आज देखि शुभारम्भ भएको नवाह परायणका लागि सोमवार भब्य कलशयात्राको समेत आयोजना गरिएको छ ।
सोमवारको हवनमा प्रदेशसभा सदस्य संजय कुमार महतो समेत सहभागिता जनाएका छन् । मात्र छ मतले प्रदेशसभा सदस्यमा जितेका कांग्रेसका महतोका साथै स्थानिय युवा अगुवा विरेन्द्र महतो दम्पती समेत हवनमा सहभागिता जनाएका छन् । प्रदेशसभा सदस्य सदस्यलाई गाँउवासीले हरिहरनाथ मन्दिरको तस्वीर उपहार स्वरुप दिएर सम्मान समेत गरे ।
रघुनाथपुरवासी सहित सो क्षेत्रका श्रद्धालुहरुको सहभागितामा स्थानिय ढोलबज्जा स्थित सिताघाट कमलानदीबाट जल भरेर पुन: मन्दिर सम्म कलश यात्रा गरि कलशस्थापन गरिएको छ । गाँउका युवाहरु सम्मिलत मन्दिर व्यवस्थापन समितिको आयोजनामा सुरु भएको नवाह परायण चैत २४ गते सम्म चल्ने जस क्रममा धार्मिक प्रवचन, कविरकथा प्रवचन, धार्मिक सन्ध्या प्रवचन सहितका विभिन्न धार्मिक अनुष्ठानहरुको आयोजना गरिएको बताइएको छ ।
