एसपी रिपोर्टर
जनकपुरधाम, चैत ८ : मधेश प्रदेशका मुख्यमन्त्री सरोज कुमार यादवले भारतिय प्रधानमन्त्री नरेन्द्र मोदीले जनकपुरधाममा घोषणा गरेको एक सय करोड सहयोग रकम जनकपुरधामको रंगशाला निर्माणमा खर्चिने बताएका छन् ।
जनकपुरधाममा निर्माण हुने धनुष आकारको श्री रामजानकी अन्ताराष्ट्रिय बहुद्देश्य रंगशालाका लागि छुटयाइएको जग्गा र त्यसमा भइरहेको खेलकुदका गतिविधी अवलोकनका लागि मैदानमा पुगेका मुख्यमन्त्री यादव भारतिय सरकारको जनकपुरधामका लागि घोषित सो रकम यस अघिका स्थानिय र प्रदेश सरकारले सदुपयोग गर्न नसकेको भन्दै आफु रंगशाला निर्माणमा सो रकम सहयोगका लागि पहल गर्ने बताएका छन् ।
मुख्यमन्त्री यादव त्यसका आलावा आवयश्क पर्ने पचास सय करोड रकम प्रदेश सरकारले समेत उपलब्ध गराउने घोषणा समेत गरेका छन् । उनले त्यसका लागि स्वयम जनकपुरधामका मेयर सहितलाई लिएर राष्ट्रिय खेलकुद परिषदमा समेत पुगेर ११ आंैं राष्ट्रिय खेलकुद मधेश प्रदेशमै आयोजना गर्ने सहितको प्रस्ताव समेत राखिसकेको बताएका छन् ।
राखेपका सदस्य सचिव टंकलाल घिसिङ्ग संगको सो छलफलमा त्यसका लागि एक कार्यदल समेत गठन भएको जनकपुरधामका मेयर मनोज कुमार साहले बताए । मधेश खेलकुद मन्त्रालयका सचिवको संयोजकत्वमा राखेपका मधेशका आठवटै जिल्लाका प्रमुख र आठवटै जिल्लाका प्रमुख शहरहरुको पालिकाका प्रतिनिधी सदस्य रहने गरि सो कार्यदल बनाइएको छ ।
कार्यदलले मधेशमा रहेको राखेप र स्थानिय सरकार अधिनस्त खेलकुदका सम्पुर्ण चल अचल सम्पतीहरुको खोज र अनुसन्धान गरि प्रतिवेदन पेश गर्ने जिम्मेवारी सहित ११ औं राष्ट्रिय खलकुद आयोजनाको सम्भाब्यता समेतको अध्यन्नको जिम्मेवारी तोकिएको छ ।
स्थलगत अवलोकनका क्रममा मुख्यमन्त्रीसंग रंगशाला पर्ने क्षेत्रका सांसदहरु दिपेन्द्र ठाकुर र शेषनारायण यादवको समेत सहभागिता थियो । उनीहरुले समेत रंगशाला बनेपछि क्रिकेट, कब्बडी, भलिवल सहितका जनकपुरधाम र मधेशको विरासत पुन: फिर्ता हुने बताए । विशिष्ठ व्यक्तित्वहरुलाई रंगशाला निर्माणका अभियानीहरु दिनेश पुर्वे, गुडडु पाण्डे, सरोज मिश्र, आकाश पाण्डे, क्रिकेट प्रशिक्षक नविन सिंह सहितकाले अहिले सम्मको कार्यप्रगती बारे व्रिफिङ्ग गरेका थिए ।
