एसपी रिपोर्टर
जनकपुरधाम, फागुन २८ : एक समय थियो जनकपुरधाम स्थित त्रिभुवन विश्वविद्यालयको आंगिक रामस्वरुप रामसागर बहुमुखी (राराब) क्याम्पसमा आइएसी उर्तिण विद्यार्थी एमबिबिएसमा छात्रवृती नभए पुलचौकमा ईन्जिनियरिङ्गमा नाम निकालेकै हुन्थे । त्यो पनि नभए गणित र विज्ञानको शिक्षक त हुन्थ्यो नै । तर अचेल त्यस क्याम्पसमा अहिले शिक्षा आर्जनका लागि होइन राजनिति र उम्मेदवारीका लागि मात्र विद्यार्थीको भिड लाग्दछ ।
माथी प्रस्तुत तस्वीरमा देखाइएको फरक दुई दृश्य एक दिनको अन्तरालमा जनकपुरधामको राराब क्याम्पसमा खिचिएको दृश्य हो । एउटामा शनिवार स्ववियु निर्वाचनका लागि मनोनयनका क्रममा बुधवार क्याम्पसमा देखिएको तछाडमछाडको हो भने अर्को दृश्य आइतवार विहान सोहि क्याम्पसको एक कक्षाकोठामा पढाई भइरहेको बेलाको हो । यि दुई दृश्यले नहि थाहा हुन्छ राराबमा पढने विद्यार्थीको रोजाई र उत्साह पढाईमा छ कि राजनितिमा ।
आइतवार करिव ९ देखि १० बजे सम्मे क्याम्पसमा उपस्थित विद्यार्थीहरु अधिकांश बाहिर नै थिए र राजनितिकै कुरा भइरहेको थियो । बाणिज्य संकायका केहि विद्यार्थीहरु भने कक्षामा पढिरहेको देखियो । स्ववियुमा नेतृत्वका लागि उम्मेदवार बनेका विद्यार्थी अगुवाहरु बाहिरै विद्यार्थीहरुलाई जम्मा गरेर मतदानका लागि सम्झाई रहेका थिए । शैक्षिक गतिविधी र अतिरिक्त क्रियाकलाप सुनसान हुने क्याम्पसमा निर्वाचनले भने केहि प्रभाव पारेको र चहल पहल बढेको छ । क्याम्पस प्रमुख प्रदिप कुमार प्रसादले राजनितिले व्यक्ति, परिवार, समाज कसैलाई पनि नछोडेकाले युवा विद्यार्थीहरुको जमात रहने क्याम्पसमा प्रभाव पार्नु स्वभाविक रहेको बताए ।
२०१४ सालमा स्थापित करिव सात दशक पुरानो क्याम्पसको दुरावस्था सरकार र त्रिभुवन विश्वविद्यालयकै कारण भएको क्याम्पस प्रमुख प्रदिप कुमार प्रसादको आरोप छ । कुनै समय थियो बिबिएस यस क्याम्पस बाहेक कतै थिएन आज टियुकै सम्बन्धनमा धेरै निजी क्याम्पसमा बिबिएस छ अनि यस्तो हालत हुदैन ? उनको प्रश्न छ । उनले छुट्टै निर्वाचन आयोग गठन गरेर निर्वाध, स्वतन्त्र र निश्पक्ष निर्वाचनका लागि आफु प्रतिवद्व र सहयोगी रहेको बताए ।
राज्यको गलत नितीकै कारण सरकारी क्याम्पसको अवस्था दयनिय रहेको बताउदै उनले अझै केहि नबिग्रेको बताउछन् । विद्यार्थी नेताहरु भने डेढ दशक सम्म स्ववियु नेतृत्व विहिन बनेकाले क्याम्पस प्रशासन मनमौजी गरेकाले क्याम्पसहरुको अवस्था यस्तो हुन गएको आरोप लगाइरहेका छन् । स्ववियु सभापतीमा उम्मेदवार बनेका नेविसंघका मनिष कुमार यादव, जविसंघका मो. ईजाज मोमिनको एउटै स्वर छ ।
स्ववियु निर्वाचनमा सभापतीका दलिय उम्मेदवारहरु क्याम्पसको दुरावस्थाको कारक प्रध्यापक, शिक्षक र लापरवाह क्याम्पस प्रशासनलाई बताउदै त्यसैलाई केन्द्रित गरि चुनावी एजेन्डा बनाएका छन् । लोविसंघका उम्मेदवार प्रशान्त कुमार झा, समाजवादी विद्यार्थी संघका उम्मेदवार गौतम यादव चोरबार सहितकाले स्ववियुले नेतृत्व पाएपछि सबै सुधार हुने दावी गर्छन ।
जनकपुरधामका समाजसेवी दाताहरु रामस्वरुप साह र रामसागर साह तथा उनका परिवारले आफनो निजी करिव ६९ विघघा जग्गा दान गरि स्थापना गरिदिएको सो क्याम्पसले जनकपुरधाम र धनुषालाई मात्र नभई नेपालकै दजर्नौ जिल्लालाई शाक्षर बनाउने काम गरेपनि जिर्नोदार र संरक्षणको अभावमा दयनिय अवस्थामा पुगेको छ । भवनहरु जिर्ण छ भने भएका संरचनाको संरक्षण र सरसफाई तथा शौन्दर्यकरणको अभावले क्याम्पसको हालबेहाल छ ।
