एसपी रिपोर्टर
जनकपुरधाम, बैशाख ११ : कोरोना भाइरस संक्रमण फैलिन नदिन जहाँको त्यही बस्नु पर्ने बाध्यता रहेपनि भोकमरी र गाँस, वास तथा कपासको समस्या आफैमा जटिल विषय हो । तसर्थ नचाहदा चाहदै पनि देशको राजधानी काठमाण्डौंमा फँसेका भाडामा बस्ने विद्यार्थी, दैनिक ज्यालादारी गर्ने मजदुरहरु सहितकालाई घर फर्काउन धनुषाका समाजसेवी र नेताहरु सक्रिय भएका छन् ।
धनुषावासीलाई पिडा भइरहेको सुनेपछि नेकपाका नेता रामचन्द्र झा र धनुषा काठमाण्डौं सम्पर्क मञ्चका अध्यक्ष किरण कार्कीको सहजी करण र धनुषाका समाजसेवी बलराम महतो तथा केहि जनप्रतिनिधीहरुको सहयोगमा धनुषावासीहरुलाई घर फर्काउने काम भइरहेको छ । मञ्चका अध्यक्ष कार्कीका अनुसार अचानक भएको लकडाउनमा फँसेका करिव १ सय जनालाई घर फर्काउने सम्पुर्ण व्यवस्थापन र काठमाण्डौंमै अभावका बिच पनि बस्नै पर्ने केहि धनुषावासीका लागि समाजसेवी महतोले खाद्यान्न सहयोग गरेका छन् ।
त्यसै गरि प्रदेश २ का सांसद सत्रुधन महतोले समेत एकवटा बसको भाँडा सहयोग गरेको उनले जानकारी गराएका छन् । धनुषा र काठमाण्डौंका सिडिओ र कार्यालयसंगको समन्वय र अनुमतिमा काठमाण्डौंवाट घर फर्कन चाहनेहरुको व्यवस्थापन गरिदै छ । समाजसेवी महतो एसपी खवरसंग कुराकानी गर्दै जिल्लावासीलाई सानो सहयोग गरेको बताए । कार्की र नेता झा ज्यूले पहलकदमी लिएपछि मलाई गरिएको आग्रह अनुसार सानो सहयोग गरेको हुँ, महतोले भने, ‘काठमाण्डौंमै बस्नु पर्ने र अभाव भएकाहरुका लागि सक्दो खाद्यान्न सहयोग गरिरहेको छु ।’ लकडाउनका बिच आरामले घर फर्किन पाँउदा जिल्लावासी खुसी भएका छन् ।
