एसपी रिपोर्टर
जनकपुरधाम, माघ १४ : जनकपुरधामको श्री गिरीनारी कुट्टी सन्यास आश्रम भनेर समेत चिनिने श्री महाकालेश्वर श्री गौरीशंकर महादेव मन्दिरमा वृक्षारोपण गरिएको छ । जनकपुरधाम उपमहागरपालिका वडा नं. ६ स्थित मन्दिरको प्राङ्गणमा बेल, रुद्राक्ष सहितको वृक्षारोपण गरिएको छ ।
आश्रमकै आयोजना र जिल्ला वन कार्यालयको वृक्ष सहयोगमा वृक्षारोपण गरिएको नागरिक अगुवा प्रफुल्ल घिमिरेले बताएका छन् । मन्दिर प्राङ्गणलाई हराभार बनाउन बेल, रुद्राक्ष सहित महादेवका प्रिय वृक्षहरु सहितका वृक्षारोपण गरिएको छ ।
कार्यक्रममा हिन्दु धर्म संरक्षण अभियानका अभियानीहरु, हरित अभियानका अगुवा सुरेश शर्मा, वरिष्ठ पत्रकार अशोक रौनियार, उपेन्द्र भगत नागवंशी, पवन ठाकुर, सन्तोष साह, राजनितिज्ञ मनोज चौधरी, मनोज साह, प्रभु दयाल जलान, युवा प्रमोद साह सहितको उपस्थिती थियो ।
