एसपी रिपोर्टर
जनकपुरधाम, पुष २४ : जसपा नेपाल मधेश प्रदेशको संसदिय दलको नेता छान्न सोमवार मतदान हुने भएको छ । निर्वाचन समितिका संयोजक नेता लालकिशोर साहले जारी गरेको निर्वाचन कार्यतालिका अनुसार नेता चयन गर्न कुल १६ सांसदले सोमवार साँझ पाँच बजे देखि छ बजे सम्म मतदान गर्ने छन् ।
साँझ साढे छ बजे मतपरिणाम सार्वजानिक गरिने छ । अन्तिम मतदाता नामावली प्रकाशन आइतवार नै भइसकेको छ भने सोमवार विहान ९ बजे देखि ११ बजे सम्म दलका नेता हुन चाहने उम्मेदवार सांसदहरुले मनोनयन दर्ता गराउन पाउने छन् । दलको नेतामा सांसद तथा वर्तमान मुख्यमन्त्री लालबाबु राउत, निवर्तमान सभामुख सरोज यादव र उपनेता रामअशिष यादव सहितको मुख्य दावी छ ।
