एसपी रिपोर्टर
जनकपुरधाम, पुष १० : जनकपुर रोयल्सले नेपाल टी–२० लिगमा आइतबार विजयी सुरुवात लिएको छ । टीयू क्रिकेट मैदानमा भएको खेलमा उसले पोखरा एभेन्जर्सलाई ५ विकेटले पराजित गरेको हो । पोखराले प्रस्तुत गरेको १ सय ३९ रनको लक्ष्य पछ्याउँदै १७.४ ओभरमा ५ विकेट गुमाएर जितसम्म थियो । जनकपुरका लागि सन्दिप जोराले ३० बलमा ४० रनको योगदान दिए ।
पोखराका लागि जाहिर खानले ३ विकेट लिए । यसअघि टस हारेर ब्याटिङको निम्तो पाएको पोखराले १९.४ ओभरमा सबै विकेट गुमाउँदै १ सय ३८ रनको स्कोर खडा गरेको थियो । त्यसमा आसिफ शेखले ३९ बलमा ४ चौका र २ छक्का मद्दतमा सर्वाधिक ५० रन बनाए ।
