पुरन रौनियार
जनकपुरधाम, बैशाख ८ : दलिय विवाद र खिचातानी यहाँ सम्म छ कि प्रदेश सरकारले गरिव विपन्नको खाद्यान्नका लागि स्थानिय तहमा पठाएको रकम सदुपयोग हुन सकेको छैन । थप त्यसमा पनि अब अनुगमणको विषयलाई लिएर प्रदेश सांसद विशेष समिति र संसदिय समिति बिच विवाद भएको छ ।
प्रदेश २ सरकारले लकडाउनमा कोहि पनि अभावको कारण भोकभाकै बस्न नपरोस भन्ने उद्देश्यले महानगरपालिका देखि गाँउपालिका सम्म अभाव भएकाहरुकाहरुलाई खाद्यान्न आपुर्तीका लागि क्रमश २५, २०, १५ र १० लाख रुपैया पठायो तर राजनितिक विवादका कारण अहिले सम्म खाद्यान्न वितरण हुन सकेको छैन । अव त झन विवाद सांसदहरु बिच समेत हुन थालेको छ । संसदिय समिति हुदा हुदै कोरोना महामारीका वेला सभामुख र उपसभामुखले विशेष समिति बनाएर प्रदेशका अस्पतालहरुको निरिक्षण र अवलोकन गर्न लगाएपछि महिला वालवालिका तथा समाजिक न्याय समितिमा आवद्व १४ जना सांसदहरु आपती जनाएका छन् ।
उनीहरुले महामारीका वेला अनावयश्क अनुगमणको नाँउमा भ्रष्टाचार गर्न विशेष समिति बनाईको आरोप महिला वालवालिका तथा समाजिक न्याय समितिका सभापति जयनुल राइनको छ । महिला वालवालिका तथा समाजिक न्याय समितिमा आवद्व १४ जना मध्ये जनकपुरधाममा उपलब्ध सांसदहरु सोमवार आकस्मिक बैठक बसेर विशेष समिति असंवैधानिक रहेको र महामारीको मौका छापेर भ्रष्टाचार गर्न सभामुख सहित केहि दलका नेताहरुको नियोजित समिति रहेको आरोप लगाएका छन ।
सभामुखले समाजवादी पार्टीका सचेतक शैलेन्द्र यादवको सयोजकत्वमा बनाएको कोरोना रोकथाम तथा नियन्त्रण अनुगमन सर्बदलिय संसदीय समिती प्रदेशका विभिन्न स्थानमा पुगेर प्रदेश सरकारद्वारा भइरहेको कामकारवाहीको स्थलगत अनुगमन गरिहेको छ । समितिका सद्स्यहरुमा राजपाका सचेतक परमेश्वर साह, कांग्रेसका संसदिय दलका नेता राम सरोज यादव, नेकपाका रामचन्द्र मण्डल र सचिबालयका रञ्जित यावद तथा डा.अजय मिश्रा सहितको टोलिले बाराको कलैया जिल्ला अस्पताल र बिरगंजको क्षेत्रीय अस्पताल सहित विभिन्न जिल्लाको निरीक्षण अनुगमन गरिरहेका छन् । आज पनि समिति महोतरी, सर्लाही र रौतहटको विभिन्न अस्पतालहरुको अवलोकन गरिरहेको छ ।
महिला वालवालिका तथा समाजिक न्याय समितिका सभापति जयनुल राइनले समितिले आफै अव अनुगमण थाल्ने र देखिएका अभाव तथा आवयश्कताको आधारमा प्रदेश सरकारलाई निर्देशन दिने बताए । सभामुखले बनाएको विशेष समितिको कुनै औचित्य नरहेको समेत उनीहरुको भनाई छ । सो समितीकी सदस्य तथा नेकपाका सांसद सारदा थापाले पनि संसदिय समिति हुँदा हुदै मनपरी ढङ्गले असंबैधानिक कामहरु गरिएको बताइन् ।
तर यि समितिप्रति तिनै पार्टीका सांसदहरुको विरोध छ । कांग्रेसकी सांसद सरस्वती चौधरीले पनि गैरसंवैधानिक काम भएको भन्दै विशेष समितको कुनै पनि निर्णय मान्य नहुने बताइन् । यसरी मुद्दै पिछे विवाद सृजना हुने गरेकाले जनतालाई समस्या छ । राजनितिक दलको खिचातानी र बिबादका कारण समस्यामा परेका प्रदेशवासीहरु पिडा भोग्न बाध्य छन् ।
यस्तो छ, महिला वालवालिका तथा समाजिक न्याय समितिको सोमवार बसेको आकस्मिक बैठकका निर्णयहरु
तस्वीरहरु : संजय साह
