एसपी रिपोर्टर
सबैला, असोज १८ : तराई मधेश एतिवेला आदीशक्ति नवदुर्गा भवानीको पुजापाठ र दशैंको रमझममा छ । मधेशको शहरहरुमा नभई ग्रामिण भेगका मेलाहरुमा पनि दशैंको रमझम र रौनक छ । ग्रामिण क्षेत्रको यस क्षेत्रकै चर्चित र प्रख्यात दुर्ग मेला धनुषाको सबैला बजारमा लाग्ने गर्दछ ।
मंगलवार नवमी तिथिका दिन धनुषाको सबैला स्थित माँ दुर्गा भवानीको मन्दिर र यहाँ स्थित प्रतिष्ठानले प्रत्येक वर्ष आयोजना गर्ने मेलामा पुग्दा भिडभाड र उत्साह देखिएको छ । माता भवानी प्रति यति श्रद्धा छ कि खोइछ भर्ने नारी र बोकाबली र प्रसाद चढाउन लामवद्व पुरुष तथा किशोरहरुको उत्साहले मेला जार्गित देखिन्छ ।
मन्दिर फराकिलो गरिएपछि श्रद्धालु महिलाहरु आरामले माताको नजिक गएरै खोइछ भर्न पाउँदा गदगद देखिए । मंगलवार विहानै देखि यस क्षेत्रमा समान्य झरी निरन्तर वर्षिरहेको भएपनि दशैंको रौनक छ । मेलामा पहलमानी, सांस्कृतीक कार्यक्रम, खेलकुदका प्रतिस्पर्धाहरु थप आकर्षणको विषय हुने गर्दछ । मंगलवार विहान एसपी खवर मेलामा पुग्दा देखिएका दृश्यहरु प्रस्तुत छ :
