एसपी रिपोर्टर
जनकपुरधाम, असोज ५ : राष्ट्रपति विद्या देवी भण्डारीले दोस्रो पटक समेत नागरिकता विद्ययेक प्रमाणिकरण नगरेपछि मधेशमा मधेश केन्द्रित दलहरु सडक संर्घषमा उत्रेका छन् । मंगलवार राती १२ बजे सम्म पर्खेको उनीहरु बुधवार देखि मधेश केन्द्रित आन्दोलन थालेका हुन ।
संघिय सरकारका सत्तारुढ जनता समाजवादी पार्टी (जसपा) नेपाल पर्साले मधेशको आर्थिक शहर बिरगंजमा बुधवार राष्ट्रपतिको पुत्ला दहन गर्दै प्रदर्शनमा उत्रेको छ । बिरगंज महानगरपालिकाको मुख्य सकडमा जसपाका नेता कार्यक्रताहरु राष्ट्रपति विरुद्व विरोधमा उत्रेका हुन । एता प्रतिपक्षी दल लोकतान्त्रिक समाजवादी पार्टी (लोसपा) नेपालले जनकपुरधामको पिडारी चौकमा प्रदर्शन र राष्ट्रपतिको पुत्ला दहन गर्दा जनकपुरधामकै जनकचौकमा जसपाले समेत राष्ट्रपति विरुद्व प्रदर्शन तथा पुत्ला दहन गरेको छ ।
भण्डारीको पुत्ला दहन गरेका उनीहरु राष्ट्रपति विरुद्व नारावाजी गरेका छन् । संविधानको रक्षक राष्ट्रपतिले नै संविधान नमाने पछि मधेशी जनताले संविधान किन मान्ने भन्दै राष्ट्रपतिले संविधान उलंघन गरेको उनीहरुको तर्क छ ।
तराई मधेस लोकतान्त्रिक पार्टीले राष्ट्रपति विद्यादेवी भण्डारीको राजीनामा माग गरेको छ । संविधानको धारा ६१ को (४) मा ‘संविधानको पालना र संरक्षण राष्ट्रपतिको प्रमुख कर्तव्य हुनेछ’ भनी स्पष्ट रूपमा उल्लेख रहे पनि राष्ट्रपति भण्डारीले संविधानको धारा ११३ को (४) बमोजिमको बाध्यात्मक कार्य नगरी संविधानको घोर उल्लङ्घन गरेको भन्दै तमलोपाले उनको राजीनामा मागेको हो ।
पुत्ला दहनमा प्रहरीले हस्तक्षेपको प्रयास गरेको छ । मसिंर ४ गते हुने संघ र प्रदेशको निर्वाचन नजिकिदै जाँदा राष्ट्रपति विरुद्व बुधवार देखि सुरु भएको प्रदर्शनले निर्वाचनको माहोल प्रभावित हुने देखिन्छ ।
