एसपी रिपोर्टर
जनकपुरधाम, भदौ ११ : एमालेका सचिव रघुविर महासेठ र पोलिटब्युरो सदस्य जुली महतोलाई लखेटने र क्षेत्रमा प्रवेश नै गर्न नदिने कांग्रेस सहमहामन्त्री महेन्द्र यादवको अभिव्यक्तीको व्यापक आलोचना भइरहेको छ । समाजिक सञ्जालमा एमाले सहित सर्वसाधारणहरु उनको भाषणको भिडियो पोष्ट गरेर राजनितिक आचरण र शिष्टाचार विर्सेको आरोप लगाएको छ ।
यादवले भिडियोमा भनेका छन्, ‘महिला भएर हाम्रो क्षेत्रमा घुस्न पाउँछ ? दक्षिण भेगमा हामी प्रवेश नै गर्द दिन्नौं ।’ उनले अगाडि भनेका छन रघुविर महासेठ र जुली महतो दुवै श्रीमान श्रीमतीलाई लखेटनु पर्छ ।’ भिडियो हेर्दा अराजनितिक टिप्पनी लागेको कमेन्टहरु देखिएको छ । कतिपयले गत चुनावको हारको कारण यादव नियन्त्रण गुमाएर त्यसो बोलेको लेखेका छन् ।
एता यस विषयमा एमाले जनकपुरधाम उपमहानगर किमिटि अध्यक्ष सुरेन्द्र भण्डारीले फेसबुकमा स्टाटस लेख्दै एमालेलाई कहाँबाट लखेटने हामी त्यही आउन तयार रहेको चेतावनी दिएका छन् । भण्डारीले फेसबुका लेखेका छन, ‘जनताबाट पराजित हरुवा नेता महेन्द्र जी, जनताबाट निर्वाचित सांसदद्वयको बारेमा बोल्दा राजनितिक शिष्टाचार र भाषाको प्रयोग पहिला सिक्नोस, पुरानो पार्टीका नेता तपाँईमा कम्तिमा यतिको ज्ञान अभाव नहुनु पर्ने हो ।’
