एसपी रिपोर्टर
जनकपुरधाम, भदौ १० : डेमोक्रेटिक सोसलिष्ट एलायन्स (डि.एस.ए) का संयोजक तथा समाजिक एकता पार्टीका अध्यक्ष सिबी गहतराजले देशको कार्यकारी प्रमुख संसदले नभई जनताले प्रत्यक्ष चुन्ने अधिकार पाउनुपर्ने बताएका छन् ।
जनकपुरधाममा डिएसएले आयोजना गरेको देश व्यापि चुनावी अभियान, साँझा चुनाव चिन्ह र मधेश प्रदेश समन्वय समितिको घोषणासभालाई सम्बोधन गर्दै डिएसएका संयोजक गहतराजले जनताको मत लिएर आफु अनुकुल सरकार बनाउने अधिकार सांसदले पाउनुले जनतालाई दु:ख भइरहेको बताए ।
अवको गठबन्धन र सहकार्य जनतालाई लुटने भन्दा पनि जनताको काम गर्नका लागि प्रतिवद्व शक्ति हुनुपर्ने बताए । संसदको किनबेचको खेल समाप्त गर्न र ओली प्रचण्ड जस्ता राजनितिका कमाई गर्ने व्यापारीहरुको द्वन्द्वबाट देश बचाउन सोच्नुपर्ने बेला आएको उनले बताए ।
सो अवसरमा एलायन्समा सहभागि नेकपा समाजवादी पार्टीका अध्यक्ष तथा डिएसएका प्रवक्ता राजु कार्कीले पनि गठबन्धन भनेर व्यापार भइरहेको बताउदै जनताको हितको गठबन्धन बन्नु पर्ने बताए ।
सो कार्यक्रमबाटै डिएसएको मधेश प्रदेश समन्वय समितिको घोषणा समेत गरिएको छ । समितिको संयोजकमा गंगा महतो, सचिवमा रोशन कुमार लामा, कल्याण परियार सहित १९ सदस्य चयन भएका छन् ।
