एसपी रिपोर्टर
जनकपुरधाम, भदौ ४ : जनकपुरधाम उपमहानगरपालिकाका प्रमुख मनोज कुमार साहले आफुले मलाई कांग्रेसमा ल्याईदिनोस भनेर कुनै पनि नेतालाई हार गुहार नगरेको बताएका छन् । नेपाल पत्रकार महासंघको आयोजनामा महासंघको सभाहलमा भएको मासिक सरोकारवालाहरु संग संवाद कार्यक्रममा बोल्दै प्रमुख साहले आफु अहिले सम्म कुनैपनि कांग्रेसका नेता कहाँ गएर मलाई कांग्रेसमा ल्याइदिनोस भनेर नभनेको बताएका छन् ।
उनले फुटपात व्यवस्थापनमा सहयोग गर्न सवैमा अपिल गरेका छन् । छाडा चौपाया व्यवस्थापनका लागि गौशाला निर्माणको काम सुरु भइसकेको भन्दै उनले ट्राफिक व्यवस्थापन र सहज आवागमणका लागि काम भइरहेको बताए ।
विभिन्न सरोकारवाला निकायका प्रमुखहरुलाई बोलाएर प्रत्येक महिना सान्दर्भिक विषयमा छलफल गर्ने उद्देश्यले महासंघले सुरु गरेको कार्यक्रमको पहिलो अतिथिका रुपमा प्रमुख साहलाई आमन्त्रण गरिएको महासंघका सचिव बटुकनाथ झाले बताए ।
