मधेशका सुकुम्वासीहरूकाे आन्दोलन भदौं आठ गतेसम्मका लागि स्थगित र नौ गते मुख्यमन्त्रीको पुतला दहन गर्ने

एसपी रिपोर्टर
जनकपुरधाम,भदौ २ : 
मधेशका सुकुम्वासीहरूले तेस्रो चरणको आन्दोलनअन्तर्गत भदौं आठ गतेसम्मको कार्यक्रम स्थगित गरेका छन् ।
राष्ट्रिय भूमि आयोगले मधेशका ४१ वटा पालिकाका भूमिहीनहरूलाई जग्गा उपलब्ध गराउने प्रक्रिया सुरु गरेपछि उनीहरूले आठ गतेसम्मको आन्दोलनका कार्यक्रम स्थगित गरेका हुन् । उनीहरूले चुरे वन जंगल संरक्षण अभियानको नेतृत्व निरन्तर जनकपुरधाममा आन्दोलन गर्दै आएका छन्। साउन २ देखि ८ गतेसम्मको कार्यक्रम स्थगित गरिए पनि भदौ ९ गते मधेश प्रदेशका मुख्यमन्त्री कार्यालय अगाडि मुख्यमन्त्रीको पुतला दहन गर्ने र कार्यालयमा ताला लगाउने कार्यक्रम यथावत राखिएको छ। आन्दोलनकारीहरूले राष्ट्रिय भूमि आयोगको निर्णयलाई स्वागत गर्दै ४१ पालिका मात्र नभएर प्रदेशका १ सय ३६ बटे पालिकाका भूमिहीनहरूलाई जग्गा उपलब्ध गराउन माग गरेका छन्।
राष्ट्रिय भूमि आयोगले बुधबार सूचना जारी गरी सातवटै प्रदेशका विभिन्न पालिकाहरूका भूमिहीन दलित, भूमिहीन सुकुम्बासी र अव्यवस्थित बसोबासीलाई जग्गा उपलब्ध गराउने र यसका लागि निवेदन फरम भर्न भनेको छ । आयोगले ३५ दिनभित्र स्थानीय तहबाट वडाका तोकिएका स्थानहरूका खांटने लगत संकलकमार्फत फारम पेश गर्न पनि भनेको छ ।