एसपी रिपोर्टर
जनकपुरधाम, साउन ३१ : जनमत पार्टीका अध्यक्ष डाक्टर सीके राउत प्रतिनिधिसभा र प्रदेशसभा चुनावमा अन्य दलसंग तालमेल गर्ने बताएका छन् । जनकपुरधाममा मंगलवार भएको कार्यकर्ता भेटघाट तथा प्रशिक्षण कार्यक्रममा अध्यक्ष डाक्टर राउत अगामि चुनावमा अन्य दलहरु संग गठबन्धन भन्दा पनि तालमेल गरेर चुनावमा जाने बताएका छन् ।
तालमेल जुनसुकै दलसंग पनि हुन सक्ने उनको भनाई छ । यद्यपि गठबन्धन बनाउने बारे अहिले कुनै पनि तयारी नहेको उनले स्पष्ट गरेका छन् । स्थानीय तहको नतिजा मूल्यांकन गर्दै तालमेलको आवश्यकता महसुश गरिएको उनले बताए । अध्यक्ष राउत नेता तथा कार्यकर्तालाई चुनावको तयारीमा जुट्न समेत निर्देशन दिएका छन् ।
कार्यक्रममा जनमत पार्टीक नेता बीपी साह मधेशको अधिकारका लागि मधेशकेन्द्रित सबै दलका नेताद्वारा मधेशमा उम्मेदवारी दिनुपर्ने बताए । उनले आफनो पार्टीका अध्यक्ष डा. राउत जसपा अध्यक्ष उपेन्द्र यादव र लोसपा अध्यक्ष महन्त ठाकुरलाई भेटेर मधेशको लागि मिलेर काम गर्नुपर्ने आग्रह गरेको खुलाए ।
जनकपुरधाममा राष्ट्रपति विरुद्व प्रदर्शन
जनमत पार्टीले राष्ट्रपति विद्या भण्डारी विरुद्व जनकपुरधाममा प्रदर्शन गरेको छ । जनकपुरधाममा पार्टी धनुषा समितिले आयोजना गरेको भेटघाट तथा प्रशिक्षण कार्यक्रम सम्पन्न भए लगतै जनमत पार्टीका नेता कार्यक्रताहरु जनकपुरधामको जनकचौकमा राष्ट्रपति विरुद्व प्रदर्शन गरेका हुन ।
प्रशिक्षण कार्यक्रममा सहभागि भएका पार्टी अध्यक्ष डा. सिके राउत नागरिकता विद्ययेकमा बोलेनन भने विरोध प्रदर्शनमा समेत सहभागिता जनाएनन । जनमतका नेता कार्यक्रताहरु राष्ट्रपति विरुद्व नारावाजी गरेका थिए । सोमवार साँझ जसपा नेपालले जनकपुरधाममै राष्ट्रपति विद्यादेवी भण्डारीको पुत्ला दहन गरेको थियो । पुत्ला दहन गर्ने क्रममा एकजना सशस्त्र प्रहरी जवानको शरिरमा समेत आगो लागेको थियो ।
