एसपी रिपोर्टर
जनकपुरधाम, बैशाख २ : रगत अभाव भएकावेला विरामीको परिवारजनका लागि रेडक्रस सोसाइटी एउटै गनतब्य हो । तर अहिले सोसाइटीमा एक युनिट पनि ब्लड नरहेको जवाफ सहजै भेटने गरेको छ । अन्य समान्य अवस्थामा विभिन्न संघ संस्थाको माध्यमवाट ब्लड संकलन गर्ने सोसाइटीवाट कुनै पनि सहयोग हुन नसकेपछि बेसाहारा हुने गरेका विरामी र भयभित उनका परिवारजनाका लागि यस जोखिममा हदै सम्म साहारा बनेका छन युवा अविनाश सिंह राजपुत र उनको टिमका युवाहरु । यस कार्यमा उनलाई उनका युवा साथीहरु सरोज महतो, निरजला तिम्लिसना, रशमी कर्ण, सितेश झा, अर्चना झा र नेहा झाको साथ समेत महत्वपुर्ण छ ।
एसपी खवरले उनको विगत केहि दिनको फेसबुकको स्टाटस र ब्लड सहयोगका लागि आवहान सम्बन्धी सुचनाहरु पनि नियाल्दै आएको थियो । तर ति सुचनाहरु फलदायी सावित हुन थालेका छन् । युवा राजपुतले विभिन्न अस्पतालसंगको समन्वयमा विरामीहरुको जानकारी र उनलाई आवयश्क पर्ने ब्लडको प्रकार सहितका जानकारी फेसबुकमा निरन्तर पोष्ट गर्ने गरेका छन । फल स्वरुप यस्तो वेला समेत रक्तदान गर्ने सहयोगी व्यक्तिहरु भेटन थालेपछि उनको यो कार्य सफल हुन थालेको छ ।
उनको फेसबुक समन्वयवाट अहिले सम्म विभिन्न विरामीहरुलाई करिव १५ जनाले रक्तदान गरेका छन् । एसपी खवरसंग कुराकानी गर्दै युवा राजपुतले आफुले फेसबुकमा राख्ने गरेको सुचना देखेर फेसबुकका उनकै साथीहरुका साथै साथीका साथीहरु र विभिन्न स्थानवाट व्यक्तिहरु सम्पर्कमा आएर रक्तदान गर्ने गरेका छन् । उनले आफनो सानो प्रयासले कसैलाई सहयोग भइरहेको प्रति खुसी व्यक्त गरेका छन् । उनले म एक्लैले इ सवै नभएको भन्दै यस्मा धेरै युवा साथीहरुको सहयोग रहेको भन्दै सवैको प्रयासले आज केहि भएपनि गर्न सकिरहेको बताए ।
तपाँइ हाम्रो लागि यो समान्य कुरा हुन सक्ला तर उनको समन्वय र इन्रनेट तथा प्रविधीको सहि सदुपयोगका कारण कसैले जिवन पाइरहेका छन् । दुःखका बेला जस्ले रक्तदान जस्तो सहयोग पाइरहेका छन उनीहरुलाई थाहा होला त्यो सहयोगको महत्व । युवा राजपुतको फेसबुकवालमा उनको सुचनाहरु र त्यसवाट प्रेरित भइ रक्तदान गरेका महान व्यक्तिहरुको तस्वीर र परिचय सहजै देख्न सकिन्छ । त्यसैले लकडाउनमा घरमै बसेर प्रविधीको उतम सदुपयोग गरि युवा राजपुतले गर्ने गरेको यो उतम काम सराहनिय छ । उनी सहित उनका सहयोगी र रक्तदान गरि कसैको जिवनदान गर्ने ति सम्पुर्ण सहयोगी समाजसेवीहरु प्रति एसपी खवर आभार प्रकट गर्दछ ।
युवा राजपुतको ‘रक्तदान जिवनदान’ सम्बन्धि अभियानमुलक सुचना तथा त्यसवाट प्रेरित भइ रक्तदान गर्ने ति सम्पुर्ण महान जिवददाता समाजसेवीहरुको तस्वीर र परिचयका लागि तल दिइएको युवा राजपुतको फेसबुकवालको भ्रमण गर्नुहोस । तल दिएको लिङ्कमा क्लिक गर्नुहोस
