एसपी रिपोर्टर
काठमाण्डौं, असार २० : सोमबार नियुक्त भएका ३ मन्त्रीले पद तथा गोपनीयताको शपथ लिएका छन् । सोमबार राष्ट्रपति कार्यालय सिंहदरबारमा राष्ट्रपति विद्यादेवी भण्डारीले नवनियुक्त मन्त्रीहरु मोहम्मद इस्तियाक राई, मृगेन्द्रकुमार सिंह र प्रदीप यादवलाई शपथ गराएकी हुन् ।
शेरबहादुर देउवा नेतृत्वको मन्त्रिपरिषदमा राईले भौतिक पूर्वाधार, सिंहले कृषि तथा पशुपंक्षी र यादवले वन मन्त्रालयको जिम्मेवारी सम्हाल्नेछन् । मन्त्रीहरुले शपथ समारोहपछि सोमबार नै सिंहदरबारमा आआफ्ना मन्त्रालयमा आई पदभार ग्रहण गरिसकेका छन् ।
जनता समाजवादी पार्टीले मन्त्रीहरु महिन्द्र राय यादव, रेणुकुमारी यादव र रामसहाय प्रसाद यादवलाई फिर्ता बोलाएर तीन जना नेतालाई मन्त्रिपरिषदमा पठाएको हो । जसपाले नेता संघीय मामिला तथा सामान्य प्रशासन मन्त्री राजेन्द्र श्रेष्ठबाहेक अरु मन्त्रीलाई फिर्ता बोलाएको हो ।
एता किसानहरुलाई मलखाद्य उपलब्ध गराउन नसकेको भन्दै प्रतिपक्षी नेकपा एमालेले राजिनामा मागेको र अर्को तर्फ पार्टीले फिर्ता बोलाएपछि तत्कालिन राजपाका शिर्षनेता समेत रहेका महेन्द्र राय अध्यक्ष यादव माथी रुष्ठ भएका छन् । नव नियुक्त कृषि मन्त्री मृगेन्द्र सिंह यादव माथी मल खाद्य आपुर्तीको चुनौती थपिएको छ ।
