एसपी रिपोर्टर
जनकपुरधाम, असोज १० : लोकतान्त्रिक समाजवादी पार्टी लोसपा आवद्व महिलाहरुको संगठन लोसपा महिला परिवारको जितिया कार्यक्रममा अधिकांश सवैदल आवद्व महिला अगुवाहरु सहभागी भएकी छन् । लोसपा अध्यक्ष महन्थ ठाकुर, वरिष्ठ नेता राजेन्द्र महतो सहितको विशेष उपस्थिती रहेको जितियाक महत्व विषयक चर्चा एवं सांस्कृतिक कार्यक्रममा जसपा नेपालमा आवद्व महिलाअगुवाहरु बाहेक करिव सवैको दल आवद्व महिला अगुवाहरु सहभागीता जनाएकी छन् ।
कार्यक्रममा उपस्थित शिर्षनेताहरुले जितिया मिथिलानारीहरुको महान पर्व रहेको र मिथिलानीहरुले जितियालाई परम्परागत रुपमा बचाएर राख्ने काम गरेको भन्दै प्रशंसा गरेका छन् । नेताहरुले जितिया पर्वको शुभअवसरमा सम्पुर्ण नारीहरुमा हार्दिक मंगलमय शुभकामना व्यक्त गर्दै परिवारका साथै नेतृत्व र महिला शसक्तीकरणका लागि काम गर्न महिलाहरुलाई आग्रह गरेका छन् ।
कार्यक्रममा लोसपाका साथैै एमाले, कांग्रेस सहित विभिन्न दलकी महिला अगुवाहरुको उपस्थिती थियो ।
