पिजी पत्रकार
जनकपुरधाम, चैत १७ : विश्वव्यापी महामाहारी कोरोना भाइरसको डर र त्रासले मिथिलाञ्चलको निरन्तरको आस्था र परम्परामा समेत आक्रमण गरेको छ । यद्यपि कतिपयले भने डर र त्रासलाई पाखा लगाउदै पोखरीको किनारामा गएर आफनो परम्परालाई निरन्तरता दिए भने कतिपयले घरको आँगन र छत माथीनै कृतिम पोखरी बनाएर अस्ताउँदो सुर्य देवतालाई अर्घ दिई चैती छठ पुजा गरेका छन् । दृश्य हेर्न लायक थियो कोहि कोरोनाको त्रास र जोखिमलाई समेत चुनौती दिदै फटाफट पोखरी किनारामा गएर हतार हतार अस्ताउँदो सुर्यलाई अर्घ दिन भ्याए भने कतिपयले घरको आँगन र छत माथी विभिन्न तरिका र उपायले कृतीम पानीको पोखरी तथा तलाउ बनाएर त्यसमै अभिएर ब्रतालुहरु सुर्य देवतालाई अर्घ दिइरहेको देखियो । एसपी खवर पोखरी देखि घर घर पुगेर छठपुजाको ति तस्वीर दृश्य क्यामेरामा कैद गर्न सफल भएको छ ।
आस्था र प्राथर्ना जहाँवाट गर्दा पनि स्वीकार हुने भन्दै कतिपयले यस अघिको परम्पराको निरन्तरमा अवरोध भएको निरासाका बिच घर परिवारका साथ घरमै छठी मईया र सुर्य देवताको पुजा गरे भने कतिपयले सक्दो हतारमा पोखरीमै गएर आफनो परम्परालाई निरन्तरता दिएका छन् । यद्यपि पोखरीमा पुग्नेहरु समेत समान्य अवस्था जास्तो भिडभाड र लामो समय एक ठाँउमा जम्मा हुन चाहेनन । आ–आफनो तरिका र समयमा भिडभाड नगरि हतार हतार गएर पुजापाठ गरि घर फर्किएका छन् । सुरक्षाकर्मीहरु पोखरी सम्म पनि पुगे र लकडाउन कार्यान्वयनमा प्रतिवद्व रहे । प्रह्रीले हस्तक्षेप गरेर भएपनि पोखरी र सरोबरको किनारामा भिडभाड तथा सर्वसधारणहरुलाई एक ठाँउ जम्मा हुन दिएन ।
विभिन्न धार्मिक सांस्कृती परम्परा र आस्थाको अपार केन्द्र मानिने मिथिलाञ्चलको महत्पुर्ण पर्व मध्ये एक छठको आफनै महत्व छ । कुनै पनि हालतमा छठ पर्व जस्ता आफना चाडपर्व छोडन चाहदैनन मिथिलावासी । तर कोरोनाको त्रासका कारण भएको लकडाउनले भने छठ पर्वको रौनक र हर्सोल्लासमा भने ब्रेक लगाएकै हो तर आस्थामा भने कुनै कमी नभएको ब्रतालुहरु बताउछन् ।
यो पर्व पोखरी, नदी, तालतलैया र सरोबरमै हुने भएपनि पृथ्वीको अवस्था र मानव जातीको बाध्यता इश्वरले बुझने भएकाले आस्था र प्रार्थना जहाँवाट पनि प्रकट गर्न सकिने सर्वसाधारणको भनाई छ । जनकपुरधामको गंगासागर, धनुष सागर, अरगजा पोखरी, दशरथ तलाउ, महराजसर, गोरधोहिन पोखरी सहित दर्जनौ पोखरी र तलाउहरुको किनारामा यतिवेला झकिझकाउ हुनु पर्नेमा कोरोनाको कारण सुनसान छ । यद्यपि सावधानी पुर्वक सर्तकता अपनाउदै आफनो परम्परा र आस्था बचाउन यहाँको सर्वसाधारणले देखाएको साहसको एसपी खवर सलाम गर्दछ ।
तल हेर्नोस आज चैती छठको दुई फरक दृश्यहरु
