एसपी रिपोर्टर
जनकपुरधाम, चैत १६ : सरकारले थप ८ दिन लकडाउन गर्ने निर्णय भए संगै नेपाली जनता अव निरन्तर १५ दिन सम्म घर भित्रै सिमिति हुने भएको छ । आइतबार बसेको मन्त्रिपरिषद् बैठकले ८ दिन लकडाउन बढाउने निर्णय गरेको एक मन्त्रीले जानकारी गराए संगै अव थप ८ दिन घरमै बित्ने समयलाई संयमित, सुरक्षित र व्यवस्थित मात्र नभई सृजनशिल बनाउन आवयश्क छ । सृजनात्मक काम घरमा समेत हुने भएकाले समयलाई नेपाली जनताले सदुपयोग गर्ने वेला आएको छ । मधेश आन्दोलनका वेला प्रदेश २ का जनता त झन छ छ महिनाको आमहडतालको समेत सामना गरेको अनुभव रहेकाले समेत तराई मधेशका नागरिकलाई समेत त्यती धेरै समस्या नहुने विश्लेषण भइरहेको छ । यद्यपि गरिव, विपन्न तथा दैनिक ज्यालादारीमा काम गर्ने मजदुरहरुको बारेमा राज्यले सोच्नु पर्ने आवयश्कता छ । निरन्तर १५ दिनको बन्द मध्यम वर्ग सम्मका लागि सहनिय हुने भएपनि गरिवहरुका लागि भने नियन्त्रण वाहिर हुन सक्ने भएकाले राज्यले उनीहरुको उचित व्यवस्थापन गर्न आवयश्क छ ।
नेपालका जनता छ महिनाको नाकाबन्दी, महाविनाशकारी भुकम्प जस्ता प्राकृतीक विपदाको सामना केहि समय अगाडि मात्र गरिसकेकाले नयाँ अनुभव नरहेपनि सवैले मिलेर यस विरुद्व लडनुको विकल्प समेत छैन । प्रदेश २ सरकारले प्रदेशका गरिव जनताका लागि खाद्यान्नको जिम्मा लिने र त्यसका लागि सवै स्थानिय तहमा गरि करिव १८ करोड बजेट दिएको बताएपनि महामारीका वेला जनप्रतिनिधीले इमान्दारिता पुर्वक यस्को कार्यान्वयन गर्नेमा नागरिकमा आशंका छ ।
यसअघि कोरोना रोकथाम तथा नियन्त्रणका लागि गठित उच्चस्तरीय समन्वय समितिको बैठकले जारी लकडाउन बढीमा १४ दिनसम्म थप्नुपर्ने निष्कर्ष निकाल्दै मन्त्रिपरिषद्मा प्रस्ताव पठाउने निर्णय गरेको थियो । तर प्रधानमन्त्री निवास बालुवाटारमा बसेको मन्त्रिपरिषद् बैठकले लकडाउन ८ दिन थप्ने निर्णय गरेको हो । सरकारले कोरोना भाइरसको जोखिम न्यूनीकरणको उद्देश्यका साथ गत चैत ११ गते बिहान ६ बजेदेखि लागू हुनेगरी एक साता लकडाउनको घोषणा गरेको थियो । सो लकडाउनको समयावधि चैत १८ गते बिहान ६ बजेदेखि सकिँदैछ । त्यसपछि पनि थप ८ दिन लकडाउन हुनेछ । यस अनुसार चैत २५ गते सम्म लकडाउन चल्ने छ । नेपालमा हालसम्म ५ जनामा कोरोनाको संक्रमण देखिएको सरकारी तथ्याङ्क छ ।
