एसपी रिपोर्टर
जनकपुरधाम, चैत १६ : कोरोनाको संक्रमण वाट देशलाई थप क्षती हुन नदिन प्रदेश सरकारहरु समेत सक्रिय छन् । यसैबिच प्रदेश २ सरकार तथा विपक्षीदलहरु समेतको संयुक्त बैठकवाट आर्थिक मामिला तथा योजना मन्त्रालयवाट विशेष निर्देशिका जारी गर्दै तत्कालका आजै करिव १८ करोड निकासा हुने जसवाट क्रमश महानगरपालिकालाई २५, उपमहानगरलाई २०, नगरपालिकालाई १५ र गाँउपालिकालाई १० लाख रुपैया दिने भएको छ ।
स्थानिय तहहरुले यो रकम आ आफनो स्थानिय तहको गरिव विपन्न र दैनिक ज्यालादारीमा काम गर्नेहरुको खाद्यान्न तथा दैनिक उपभोग्य बस्तु आपुर्तीका लागि खर्च गर्नुपर्ने छ । साथै भारत तथा विदेशवाट आएकाहरुको पहिचान गरि क्वारेन्टाइन निर्माण, शंकाष्पद तथा संक्रमितको उपचार तथा रेखदेखका लागि समेत प्रदेश सरकार खर्च गर्न सहयोग गर्ने प्रदेश सरकारले जनाएको छ । जस्का लागि आजै मन्त्रालयले करिव १८ करोड रकम निकासा गर्न लागेको छ । यस अतिरिक्त यसअघि प्रदेश २ सरकार कोरोना रोकथामका लागि खडा गरेको २५ करोडको राहत कोषको खाता समेत आजैवाट सञ्चान गर्ने तयारी थालिएको छ । आइतवार विपक्षीदलका समेत नेताहरुलाई बोलाएर खाता सञ्चालनको सम्बन्धमा सहमती जुटाइएको छ ।
एता प्रदेश सरकारको राहत कोषमा सिद्वार्थ बैंकले दश लाख सहयोग गरेको छ । मुख्यमन्त्रीका प्रेस सल्लाहकार आतिश मिश्रका अनुसार राहत कोषमा सबै भन्दा पहिले सिद्धार्थ बैंकले १० लाख रकम जम्मा गरेको छ । सिद्धार्थ बैकका जनकपुर स्थित प्रतिनिधिहरुले १० लाखको चेक मुख्यमन्त्री लालबाबु राउतलाई हस्तान्तरण गरेका छन । यसै गरि भाटभटेनी सुपर मार्केटका अध्यक्ष मिन बहादुर गुरुङ्गले २५ लाख प्रदेश राहत कोषलाई उपलब्ध गराउने घोषणा गरेको छ । प्रदेश सरकारले २५ करोड रकम राखेर राहत कोषको स्थापना गरेको छ भने मन्त्रीहरुले एक महिनाको तलब उक्त कोषमा राखि सकेको छ। भने प्रदेश सभा सदस्यहरुले समेत घोषणा गर्ने क्रम जारी रहेको छ । प्रदेश सरकारले राहत कोषमा रकम सहयोग गर्न प्रदेश स्थित व्यपारिक घरना, अन्य समाजिक संघ संस्था तथा इच्छुक व्यक्तिहरुलाई समेत आह्वान गरेको छ ।कुनै संस्था वा व्यक्तिले सहयोग गर्न चाहे सोहि खातामा जम्मा गर्न सकिने समेत प्रदेश सरकारले जनाएको छ । सर्बदलिय बैठकमा मुख्यमन्त्री लालबाबु राउत सहितका मन्त्रीहरु ,काँग्रेस संसदीय दलका नेता राम सरोज यादव, नेकपाका नेताहरु शत्रुधन महतो, किशोरी साह कमल , विभिन्न मन्त्रालयका सचिवहरु समेतको सहभागिता रहेको थियो ।
