एसपी रिपोर्टर
जनकपुरधाम चैत १३ : लक डाउनको अवज्ञा गरि साथीहरु संग होटलमा पार्टी गर्नेहरुलाई प्रहरीले मुर्गा बनाउनुका साथै कान समातेर उठबस गर्न लगाएको छ । विहिवार लकडाउनका वेला होटल बन्द रहेको समयमा होटल भित्र साथीहरु मिलेर पार्टी र खानपान गरेको थाहा पाएपछि धनुषा प्रहरीले केहि युवाहरुलाई कान समातेर उठबस मात्र गर्न लगाएन मुर्गा समेत बन्न लगाए । एता लकडाउनको वाहानामा मौकाको फाईदा उठाउने र कालाबजारी बढन थालेपछि प्रशासनले अतिआवयश्क सर समान बेच्नका लागि जिल्ला प्रशासनवाट अनुमती पास लिएर पनि पसल नखोल्ने औषधी, ग्याँस, किराना र इन्धन व्यवसायीहरुलाई कडा कारवाही गर्ने जिल्ला प्रशासन कार्यालय धनुषाको तयारी छ ।
पास लिएर पनी पसल नखोल्ने र कालाबजारी गर्ने त्यस्ता पसले र व्यवसायीहरुको पसल र व्यवसायनै सिज गर्ने प्रहरी प्रशासनको तयारी छ ।
४३ जना एक/एक सय रुपैया तिरेर छुटे
त्यसैगरि लकडाउन अवज्ञा गरेका कारण नियन्त्रणमा लिइएका करिव ४३ जना व्यक्ती र सवारीसाधना धनीहरुलाई एक सय रुपैया जुरवाना गरि छाडिएको छ भने कालाबजारीको आरोप पक्राउ परेकाहरुलाई म्याद थप गरि अनुसन्धानका लागि थप थुनामै राखिने भएको छ ।
