लकडाउनको तेस्रो दिन पनि जनकपुरधाम सुनसान

एसपी रिपोर्टर
जनकपुरधाम, चैत १३ : सरकारले जारी गरेको नेपाल लकडाउनको तेस्रो दिन जनकपुरधाम सहित यसक्षेत्रको जनजिवज सुनसान छ । साँझ एक घण्टाका लागि किराना पसल तथा तरकारी पसहलहरु खोल्न दिएपनि दिनभर बजार र सडक सुनसान नै हुन्छ । जनकपुरधाम उपमहानगरपालिकाको चौक चौक तथा सडकहरुमा व्यापक प्रहरी परिचालन गरि स्थानियलाई घरवाट वाहिर निस्कन दिइएको छैन । चैती दशैको समय भएपनि जनकपुरधामको प्रमुख शक्तीपिठ माता श्री राजदेवी मन्दिर सहित माता श्री जानकी मन्दिर लगायत जनकपुरधामका सम्पुर्ण मठमन्दिर र धार्मिक स्थलहरु सुनसान बनेको छ । प्रहरीले भिडभाड हुन नदिन कोरोना सचेतना सम्बन्धी सन्देश दिदै गस्ती गरिरहेका छन् । जनकपुरधाम मात्रै नभई यस क्षेत्रका ग्रामिण भेगमा समेत कोरोनाको डर त्रास एती छ कि सर्वसधारण घर वाहिर निसक्न हिचकिचाई रहेको अवस्था छ ।

जनकपुरधाममा व्यापक कालाबजारी बढदै
एता यस अवस्थाको फाइदा उठाउदै कालाबजारियाहरु समेत सक्रिय छन् । सरकारले ग्याँस सहितका अति आवश्यक र दैनिक उपभोग्य बस्तुको हाहाकार हुन नदिने बताएपनि ग्याँस सहितका सरसमान पाउन हम्मे छ । ग्याँस जनकपुरधाम आएपनि ठुलठुला होटलवालाहरु बढि पैसा दिएर किन्न थालेपछि सर्वसधारण ग्याँस पाउन सकेका छैनन । आलु प्याजको भाउ दोब्बर भएको छ भने इन्धन पाउन मुस्किल छ । ठुला सवारी साधन र निजि सवारी साधन बन्द रहेपनि पेटोल तथा इन्धनका डिलरहरु बन्द छ । सरकारको लकडाउन कार्यान्वयन गर्न जनताले आफनो कर्तब्य बुझेपनि अति आवयश्क सरसमानहरुको आपुर्ती तर्फ समेत सम्बन्धित निकायको ध्यान पुग्न जरुरी छ । भारतको विभिन्न क्षेत्रवाट जनकपुरधाममा काम गर्ने गरेका राज मिस्त्री सहित कामदारहरु जनकपुरधाममै घेरिएको र उनीहरुको कामबन्द भएपछि दैनिक जिवन यापन कष्टकर बनेको छ ।