एसपी रिपोर्टर
जनकपुरधाम, असार २७ : भारतको आन्ध्रप्रदेश स्थित ख्याति प्राप्त आदित्य एजुकेशनल इन्स्टिच्युसनले कक्षा ११ र १२ मा पढने नेपाली विद्यार्थीहरुको छात्रवृतिका लागि चाँडै नै प्रवेश परिक्षा लिने भएको छ । सोमवार एक पत्रकार सम्मेलन आयोजना गरी इन्स्टिच्यूसनका इन्टरनेशनल रिलेशन डाइरेक्टर परमजित सिंहले कक्षा १० को रिजल्ट आए लगतै जनकपुरधाममा नेपाली विद्यार्थीहरुको छात्रवृतिका लागि प्रवेश परीक्षा आयोजना गर्ने जानकारी दिए ।
मेडिकल, व्यवस्थापन र इन्जिनीयरिङ्ग संकाय अध्ययनका लागि स्पेलिस्ट रहेका सो इन्स्टिच्यूसनमा नेपालका पांच सयभन्दा बढी विद्यार्थी अध्ययन रहेका छन । पत्रकार सम्मेलनमा भारतीय सेनाका अवकाश प्राप्त सहायक अफिसर समेत रहेका इन्स्टिच्यूसनका एकेडमिक डाइरेक्टर एनआरबी कुमारले हाम्रो इन्स्टिच्यूसन भारतमा ११ वर्षदेखि संचालनमा रहेको छ । अहिले त्यहाँ भारत नेपाल सहित विभिन्न देशका विभिन्न संकायमा ६० हजारभन्दा बढी विद्यार्थी अध्ययनरत जानकारी समेत उनले दिए ।
उनले जनकपुरधाममा आयोजना हुने सो प्रवेश परीक्षामा विद्यार्थी संगै अभिभावक समेतलाई कलेजको बारेमा जानकारी लिन आउन आग्रह गरे । सिहले भने हाम्रो कलेजमा पढने विद्यार्थीलाई क्लास सँगै थप ट्यसन र खाना तथा आवासको समेत नेपाली विद्यार्थीहरुको व्यवस्था गरिएको छ ।