कल्पना यादव, फाल्गुन २२ गते ।
जनकपुरधाम : स्थानिय तहको निर्वाचनमा लक्ष्मीनियाँ गाँउपालिका वडा नं. १ मा दलियतन्त्रलाई पराजित गर्दै वडा अध्यक्षमा स्वतन्त्र उम्मेदवार भई जितेका दिलिप यादव अन्तत नेकपामा प्रवेश गरेका छन् । स्वतन्त्र जितेका उनी कांग्रेसले देखाएको लोभमा फँसेर दलिय तन्त्र अर्थात कांग्रेसमा प्रवेश गरेका थिए ।
तर अर्को चुनाव अनाउदै उनी फेरी कांग्रेस छाडेर नेकपामा प्रवेश गरेका हुन । विहिवार लक्ष्मीनियाँ गाँउपालिका वडा नं. १ सिनुरजोडामा वडा अध्यक्ष यादव सहितका युवाहरुलाई नेकपाका स्थाई समिति सदस्य एवं पुर्व भौतीक पुर्वाधार तथा यातायात मन्त्री रघुविर महासेठ तथा सांसद जुली महतो पार्टी प्रवेश गराएका हुन । नेकपाका स्थाई समिति सदस्य महासेठले जनतालाई ठग्ने नेताहरु धमाधम राजनितिवाट टाढा हुदै गएको बताएका छन् ।
वडा अध्यक्ष दिलिप यादव सहितकालाई आफनो पार्टीमा प्रवेश गराउदै पुर्व भौतीक पुर्वाधार तथा यातायात मन्त्री समेत रहेका नेता महासेठले नेपालमा १ लेनको सडक कतै पनि नरहने बताउदै जनतालाई ठग्ने नेतालाई जनताले साइड लगाउने बताए ।
कार्यक्रमलाई सम्बोधन गर्दै नेकपाकी नेतृ जुली महतोले विगतको ५० वर्षमा पनि हुन नसकेको विकास अहिले रातारात भएको जनताले महसुश गरेको बताइन । कार्यक्रममा वडा अध्यक्ष यादव सहित दर्जनौ युवाहरुलाई नेताद्वयले पार्टी प्रवेश गराएका थिए । कार्यक्रममा नेकपाका जिल्ला अध्यक्ष राजकिशोर यादव सहितका नेता कार्यक्रताहरुको सहभागिता थियो ।
