एसपी रिपोर्टर
जनकपुरधाम, जेठ २४ : डा. मनोज मुक्ति “विवेक“ नेतृत्वको “जनतान्त्रिक तराई मुक्ति मोर्चा“, रामचन्द्र बानियाँ क्षेत्री नेतृत्वको “नेपाल डेमोक्रेटिक पार्टी“, लाक्पा तामाङ नेतृत्वको “राष्ट्रिय प्रजातन्त्र पार्टी (लोकतान्त्रिक)“ र राजिव झा नेतृत्वको “मातृभूमि सेवा दल“ मिलेर गठन भएको “राष्ट्रिय जनतान्त्रिक गठबन्धन“ ले “राष्ट्र बचाउ अभियान“ अन्तर्गत दोस्रो चरणको आन्दोलनको कार्यक्रमहरु सार्वजनिक गरेको छ ।
गठबन्धन एवं राष्ट्र बचाउ अभियानका राष्ट्रिय संयोजक डा. मनोज मुक्ति “विवेक“ द्वारा हस्ताक्षरित प्रेस विज्ञप्तिमा भनिएको छ, ‘देशमा ब्याप्त सबै प्रकारका भ्रष्टाचार, राज्य प्रायोजित एवं संरक्षित आतंक, लूट(खसोट, भय(त्रास, बेतिथी, अब्यवस्था, आत्मसमर्पणवादी लम्पसारवादमा आधारित प्रभुभक्तिसहितको देश(बेचुवा सोंच, चरित्र, आचरण, प्रवृत्तिका विरुद्ध संयुक्त संयुक्त मोर्चा निर्माण र “राष्ट्र बचाउ अभियान“ को पवित्र लक्ष्य “राज संस्था सहितको हिन्दु राष्ट्र र जनतान्त्रिक शासन ब्यवस्था“ स्थापनाका निम्ति सम्पूर्ण राष्ट्रभक्त, राष्ट्रवादी, जनतन्त्रवादी एकजुट हुनुको अर्को विकल्प छैन ।’
साथै गठबन्धन द्वारा घोषित प्रथम चरणको आन्दोलनका कार्यक्रमहरुमा उत्साहजनक सक्रिय सहभागिता जनाई सफल बनाउन सहयोग गरेका गठबन्धनका सम्पूर्ण नेता÷कार्यकर्ता एवं आम मुक्ति कामी जन(समुदाय प्रती धन्यवाद ज्ञापन गरिएको समेत विज्ञप्तीमा उल्लेख छ । दोस्रो चरणको आन्दोलनका कार्यक्रमलाई सफल बनाउन गठबन्धनका नेता÷कार्यकर्ता, पत्रकार र संचारकर्मी, बुद्धिजीवी, नागरिक अगुवा, नागरिक समाज, धार्मिक संघ संगठन, पेशागत संघ संगठन लगायत सम्पूर्ण आम जनतालाई सक्रिय सहभागिताका लागि समेत विज्ञप्ती मार्फत अपील गरिएको छ ।
गठबन्धन द्वारा संचालित “राष्ट्र बचाउ अभियान“ जेष्ठ २५ आईतवार देखि जेठ ३२ गते आईतवार सम्म ८ दिने दोस्रो चरणका आन्दोलनका कार्यक्रम अन्तर्गत धर्म निरपेक्ष गणतन्त्रको सम्बाहक एव नेतृत्वकर्ता जिवित प्रधानमन्त्रीहरु भन्दै शेर बहादुर देउवा, माधव नेपाल, झलनाथ खनाल, पुष्प कमल दहाल “प्रचण्ड“, डा. बाबुराम भट्टराई र के.पि. ओली लगायतको प्रत्येक दिन एक÷एक गरि पुत्ला दहन गर्ने, प्रत्येक दिन राष्ट्रघाती एमसीसी सम्झौता खारेजी र अमेरिकी साम्राज्यवादी आतंकवादको विरोधमा राष्ट्रपति डोनाल ट्रम्पको पुतला जलाउनुका साथै चीनद्वारा सगरमाथा लगायतको नेपाली भुमि अतिक्रमण एवं कब्जा गरेको बिरोधमा प्रत्येक दिन चिनियाँ राष्ट्रपति सी जिङ पिङको पुतला जलाउने सम्मको कार्यक्रम तय गरिएएको छ ।
साथै धर्मनिरपेक्ष गणतन्त्रको भण्डाफोर गर्ने र “राज संस्था सहितको हिन्दु राष्ट्र र जनतन्त्र स्थापना“ सहितको भीषण जनआन्दोलनको आधार तयारीका लागि आम मुक्ति कामी जनतालाई सु–सुचित गर्ने तयारी समेत रहेको बिज्ञप्तीमा उल्लेख छ ।
