एसपी रिपोर्टर
काठमाण्डौं, बैशाख १० : प्रधानमन्त्री केपी शर्मा ओलीले प्रतिनिधीसभाका नेकपाका सांसदहरूसँग छलफल गरिरहेका छन् । प्रदेश अनुसार फरक–फरक समयमा सांसदहरूलाई बालुवाटार बोलाएर छलफल गरिरहेको एक सांसदले जानकारी दिएका छन् । बुधबार बिहान ११ बजेदेखि प्रधानमन्त्रीले सांसदहरूसँग छलफल थालेका हुन् ।
सुदूरपश्चिम प्रदेशका संघिय सांसदहरूसँग छलफल गरिरहेका प्रधानमन्त्रीले दिउँसो १ बजेका लागि राष्ट्रिय सभामा नेकपाका तर्फबाट प्रतिनिधित्व गर्ने सांसदहरूलाई बोलाइएको छ भने ४ बजे प्रदेश ५ का सांसदहरूलाई बोलाइएको सांसदहरूले जानकारी दिएका छन् । सरकारको दल विभाजनसम्बन्धी र संवैधानिक परिषद् सम्बन्धी अध्यादेशले नेकपामा विवाद ल्याएको र बजेट अधिवेशन बोलाउने बेला भएको अवस्थामा प्रधानमन्त्रीले सांसदहरूसँग छलफल गर्नुलाई अर्थपूर्ण रूपमा हेरिएको छ ।
