पुरन रौनियार
जनकपुरधाम, असोज ३ : वरिष्ठ पत्रकार एवं साहित्यकार रामभरोस कापडी ‘भ्रमर’ नेपाल सरकारको उच्चतम सम्मान सुप्रबल जनसेवा श्री (तृतीय)वाट विभुषित भएका छन् । जनकपुरधाम उपमहानगरपालिका वडा नं. १ निवासी ६८ वर्षिय कापडी आफनो करिव ५ दशकको साहित्यीक र पत्रकारिताको यात्रामा नेपाल सरकार, गैरसरकारी र भारतमा गरि दर्जनौ सम्मान पाइसकेका छन् ।
नेपाल सरकार गृह मन्त्रालयको सिफारिसमा यस वर्ष कुल ५ सय २ जनालाई विभिन्न सम्मानवाट विभुषित गरिएकोमा सुप्रबल जनसेवा श्री (तृतीय)वाट देशकै ८७ जना मध्ये उनी पनि परेका छन् ।
सो पुरस्कार पाउने ८७ जना मध्ये ४ जना मधेशी हुन जस्मा अन्य तिनजना सरकारी कर्मचारीहरु हुन भने उनी एकल सरकार वाहिरका पात्र हुन । त्यसैगरि प्रबल जनसेवा श्री (चतुर्थ) वाट १४ पत्रकार र २ सञ्चारकर्मीहरु विभुषित भएकोमा मधेशको प्रतिनिधीत्व गर्ने पत्रकारहरु डा. राजेश अहिराज र धमेन्द्र कर्ण समेत विभुषित भएका हुन ।
यस्तो छ कापडीले पाएका सम्मानहरु
६८ वर्षिय कापडी आफनो करिव ५ दशकको साहित्यीक र पत्रकारिताको यात्रामा सवै भन्दा पहिलो वि.सं. २०५२ सालमा नेपाल प्रज्ञा प्रतिष्ठानवाट प्रथम पटक माया देवी प्रज्ञा पुरस्कारवाट पुरस्कृत भएका थिए । त्यसपछि भारतको पटना स्थित शेखर प्रकाशणवाट शेखर सम्मान, अन्तराष्ट्रिय मैथली सम्मेलन मुम्बईवाट मिथिला रत्न सम्मानले समेत उनी सम्मानित व्यक्तित्व हुन । त्यसैगरि मध्यमा नेपालवाट मध्यमा सम्मान, नेवारी समुदाय दुश्वा सायमीको स्मृतीमा स्थापित गन्की बसुन्धरा पुरस्कार, उत्कृष्ट मिथिला कथाकारको रुपमा केशवलाल बाखङ्ग र्शिपा पुरस्कार र नेपाल सरकारकै विद्यापती साहित्यीक पुरस्कारले समेत उनी पुरस्कृत भइसकेका छन् । भारतको चेतना समिति पटनाद्वारा प्रदान गरिने यात्री चेतना पुरस्कार पाउने पहिलो नेपाली पनि साहित्यकार कापडीनै हुन । यसका आलावा उनी सरकारी र गैरसकारी गरि नेपाल भारतवाट दर्जनौ सम्मान र पुरस्कारले विभुषित भइसकेका छन् ।
यस्तो छ योगदान
कापडीको पहिलो रचना ‘बाल रचना’ को रुपमा भारतको पटनावाट प्रकाशित हुने मिथिला मिहिरमा १९६४ मा छापिएपछि उनको साहित्यीक यात्रा सुरु भएको मानिन्छ । अहिले सम्म मौलिक र सम्पादित गरि उनको व्यक्तिगत मात्र कुल ४८ वटा पुस्तकहरु प्रकाशन भइसकेको छ । पत्रकारिता क्षेत्रको कुरा गर्नुपर्दा २०३९ कार्तिक ३ गते देखि उनीद्वारा सम्पादित र प्रकाशित पहिलो मैथली साप्ताहिक समाचार पत्र गामघर प्रकाशित हुन थाल्यो जुन अझै प्रकाशित हुदैछ । त्यसपछि २०४५ साल देखि आँजुर नामक साहित्यीक पत्रिका प्रकाशनको काम सुरु गरेका उनले अझै पनि त्यो प्रकाशन जारी नै राखेका छन् । उनले २०४८ साल देखि अर्चना साहित्यीक संग्रह समेत प्रकाशनको थालनी गरेका थिए । त्यसै गरि नेपालको राष्ट्रिय दैनिक सहित विभिन्न वर्गका अखवारहरुमा समेत उनको दक्षता साहित्यीक लेखका रुपमा प्रकाशन हुदै आएको छ । विभिन्न भाषाका उनका लेखहरु अखवारहरुले प्रकाशन गर्दै आएको छ ।
