एसपी रिपोर्टर
जनकपुरधाम, भदौ ९ : गैर आवासीय मधेशी संघ एनआरएमएले मलेसियामा समस्यामा रहेकाहरुको उद्दारका लागि पहल गरिरहेको छ । अध्यक्ष ई. बसन्त कुशवाहाका अनुसार कार्यवाहक अध्यक्ष सिकेन्द्र यादव कोषाध्यक्ष संजीव कुशवाहा सहित टीमको पहलमा मलेसियामा समस्यामा रहेका मधेशीहरुको उद्धारका लागी पहलहदमी जारी छ ।
यसै क्रममा टोलीले त्यहाँ स्थित नेपाली राजदूताबासमा समेत फ्लोअप जारी राखेका छन । त्यहाँ कामको सिलसिलामा मृत्यु भएका बिन्देश्वर महतो (सिरहा) र सुरेश राय (सर्लाही) को शव अलपत्र परेकाले शवहरु नेपाल पठाउन र उनीहरुका परिवारजनले कम्पनीबाट पाउनु पर्ने क्षतिपूर्तिका लागी एनआरएमएको प्रयास जारी छ । विभिन्न आरोपमा मलेसियामा जेल जीवन बिताई रहेका अरुण चौधरी (महोतरी), भोला यादव
(सर्लाही), महेश यादव (सुनसरी), रबिन्द्र साह (सप्तरी), गंगा राय (सप्तरी) र उमेश मेहता (सुनसरी) का लागी आममाफी र स्वदेश फिर्ताका लागि समेत संस्थाले सम्बन्धित निकायसंग समन्वय गरिरहेको बताइएको छ ।
कोरोना महामारीका कारण रोजÞगार गुमाएका र समस्यामा परेका मधेशीहरुलाई खाने, बस्ने ब्यवस्था गर्नुका साथै उद्धार गरी नेपाल पठाउने काममा समेत संस्थाको टोली निरन्तर लागि परेको अध्यक्ष कुशवाहाले बताए ।
