एसपी रिपोर्टर
जनकपुरधाम, असार ९ : नागरिकता ऐन २०६३ को संसोधन विद्येयकमा राखिएको प्रावधानको तराई मधेशमा चौतर्फी विरोध हुन थालेको छ । विवाह गरेर नेपाल आउने विदेशी महिलालाई सात वर्ष पछि मात्र नागरिकता दिने प्रावधानको जसपाका नेता एवं सहकारी विभाग प्रमुख संजय कुमार साहले पनि विद्येयक र्फिता र नसचिए देश दुर्घटनामा फँस्ने चेतावनी दिएका छन् ।
साहले भनेका छन, ‘मधेश आन्दोलनकै उपज संघियता साथै नागरिकतामा सहज पनि हो, देशको प्रमुख तथा संवैधानिक पदमा पुग्न नपाउने प्रावधान हुदा हुदै पनि आफनो देश र परिवारलाई त्यागेर आउने महिला माथीको विभेद अन्यायपुर्ण हो ।’ मधेशमा भएको मधेश आन्दोलनमा सवै पार्टी र जनताको सहभागिता रहेको बताउदै उनले ति आन्दोलनमा भएको सहादतवाट प्राप्त उपलब्धी खोसिन नहुने बताउछन् ।
पार्टीका केन्द्रीय सदस्य समेत रहेका साहले अहिले ल्याएको नागरिकता विद्येयक मधेश र मधेशीसँग कुठाराघात भएको बताएका छन् । भारतबाट बिहे गरेर आउने चेलीहरुलाई सात वर्षपछि मात्र बैबाहिक अंगीकृत नागरिकता दिने निर्णयले मधेश र मधेशी उपरको घुमाउरो प्रहार भएको प्रतिक्रिया दिएका छन् । नेता साहले मधेशको वर्तमान मुद्दालाई दबाउनको लागि पनि अहिले नागरिकता विद्येयक ल्याएर मधेशसँग पुनः सरकारले अर्को धोका गरेको आरोप लगाएका छन् ।
उनले भने, – ‘बिना नागरिकताको एउटा सिम कार्ड पनि निकाल्न सकिदैन, बैंकमा खाता खोल्न पाईदैन, लोक सेवा आयोगको फरम पनि भर्न सकिदैन र अबको आउने दिनमा त बिना नागरिकताले पानी पनि नपाउँने भएकोले भारतीय चेली नेपालमा बिहे गरेर आएपछि के गर्छ ? नागरिकता विद्येयकको चौतर्फी विरोध भइरहेको भन्दै सरकारले तत्कालै त्यो विद्येयक नसच्याए ठुलो दुर्घटना हुन सक्ने समेत चेतावनी दिएका छन् ।
