गणतन्त्रको रुप मात्र आयो, नेतृत्व त उहि सामन्ती नै छन, मनि र मशल नभएकाले साइड भए (भिडियो)

पुरन रौनियार
जनकपुरधाम, जेठ १५ : देशमा आज १३ औं गणतन्त्र दिवस । कोराना भाइरस कोभिड १९ महामारीको कारण उत्सव र उल्लास पुर्वक गणतन्त्र दिवस मनाउने वातावरण भने छैन । लोकतन्त्र र गणतन्त्र भनेको लोक अथवा गण वा भनौ जनताको तन्त्र हो तर नेपालमा हजारौं जनताको सहादत पश्चात आएको संघिय लोकतान्त्रिक गणतन्त्र समेत उनीहरुकै तन्त्र बन्दै गएको छ जस्को हिजो पनि बर्चश्व थियो ।

देशको वर्तमान परिर्वतणमा जनआन्दोलन देखि विभिन्न आन्दोलनमा योद्वाका रुपमा सहभागिहरु मनि र मसलको अभावमा नेतृत्ववाट बञ्चित भएका छन भने कतिपयको मुख थुनिएको छ । एकल शासक राजतन्त्र हटेपनि राजाको रुपमा दर्जनौ राजाहरु अहिले पनि सिन्डीकेट प्रथा अनुसार पालैपालो शासन सत्तामा पुगेर उहि सामन्तवादी शासन प्रणाली पुर्नस्थापित गरिरहेकाले जनताले परिवर्तणको सार्थकता महशुस गर्न नसकेको अनुभुति भइरहेको छ ।

तत्कालिन २०६२÷०६३ को जनआन्दोलनमा मधेशको प्रतिनिधीत्व गर्दै योद्वाका रुपमा सहभागि भएका तत्कालिन नेपाल सदभावना पार्टीका नेता भरत विमल यादव गणतन्त्रको रुप मात्र आएको बताउदै सार वा भनौ शासन पद्वती र प्रणाली राजतन्त्र भन्दा रती पनि फरक नरहेको बताउछन् । के फरक छ ? प्रश्न गर्दै यादव भन्छन, ‘राष्ट्रप्रमुखको हाउभाउ, सवारी, सुविधा उस्तै, जनताको सरकार भने पनि जनता भोकले सडक पेटीमै ढलेको ताजा घटना हामी संगै छ, जनता प्रहरीको गोलीले मरेकै छन, बलात्कारीले संरक्षण पाएकै छन ।

तपाँइ इमान्दार हुनुहुन्छ तर तपाँइसंग पैसा छैन, चुनाव जित्नु हुन्छ ? अर्को प्रश्न गर्दै यादवले इमान्दार नेतृत्व चयन नभए सम्म केहि नहुने बताउछन् । जनतालाई पनि दोष दिदै यादवले जनताले चुनावलाई पर्वको रुपमा खाने पिउने र मौज गर्ने उत्सवको रुपमा लिएको गुनासो गर्छन । मधेशी दललाई सत्तको लोभी भन्दै यादवले अहिले सम्मको क्रियाकलापले मधेशी दल मधेशको भावना र जनता भन्दा सत्ता केन्द्रित भएको र त्यसमा समेत सफल नभएर असफल भएको बताउछन् । क्षेत्रीय दलहरु प्रति जनता आशावादी भएपनि दलहरु असफल हुदै गएको उनको दावी छ । गणतन्त्रमा गण घरघरमै थुनिएका छन तर नेता र राजनिति थुनिएको छ त ? थप प्रश्न गर्दै सालिन छविका पुर्व नेता यादवले भने, ‘लकडाउन जनताका लागि मात्र कि लकडाउन लगाउने पार्टी र नेताका लागि पनि ? ।’

यादवले शहिदहरुको सहादतको भावनालाई सम्मान गर्न जनता इमान्दार हुन आवयश्क रहेको आग्रह गर्दै गणतन्त्रको शुभकामना समेत व्यक्त गरेका छन् । हेर्नोस यादवले एसपी टिभीसंग गरेको कुराकानी ।