पुरन रौनियार
जनकपुरधाम, वैशाख १७ : लकडाउन र महामारीको जोखिमका बिच पनि प्रधानमन्त्री विरुद्व मशाल जुलुस प्रदर्शन हुुनु सकारात्मक सन्देश होइन । तत्कालिन छ महिनाको मधेश आन्दोलनका बेला मधेशका लागि दुश्मन जस्तै नाम कमाएका प्रधानमन्त्री ओली त्यसपछि पनि मधेशमा आफनो सकारात्मक प्रभाव छोर्न सकेन । देशकै मुख्य कार्यकारी पदमा आसिन व्यक्तित्वले देशको सवै भुगोलमा आफनो व्यक्तिगत, पार्टी र सरकारको छवि सुधार गर्नु पर्नेमा ओली चुकेको जानकारहरु बताउछन् ।
सरकारको नेतृत्व गर्दा पनि मधेशमा बिबादितै
आम निर्वाचन पछि देशको नेतृत्व गरेसंगै ओली मधेशमा सकारात्मक रुपमा लिने नाम होला भन्ने आश गरिएको थियो । तर प्रधानमन्त्री भएपछि प्रथम पटक प्रदेश २ प्रदेशसभामा उपस्थित भएका ओलीलाई प्रदेशसभामा समेत विरोधको सामना गर्नुपरयो । राजपाका केहि सांसद मुद्दा सम्बोधन नहुदै मधेश विरोधीको सम्बोधन सुन्न नसक्ने आशय व्यक्त गर्दै प्रदेशसभाको सो बैठक बहिष्कार गरे । त्यस अगाडि भारतिय प्रधानमन्त्री नरेन्द्र मोदीको स्वागतका लागि जनकपु्रधामको जानकी मन्दिर आएका ओलीको मोदीकै आगमणलार्ई मध्येनजर गर्दै कारण कुनै विरोध भएन ।
प्रदेश २ मा सत्ता जनाउन नसक्नुले पनि ओली मधेशलाई आफनो पक्षमा पार्न सकेन । प्रदेश २ मा ओली विरोधी पार्टीहरुको सरकार बन्नु र मधेशका मुद्दाहरु सम्बोधन हुन नसकेपछि ओली प्रतिको मधेश सकारात्मक हुन सकेन । एमाले र माओवादी मिल्दा बनेको नेकपा प्रदेश २ मा पनि सवै भन्दा ठु्लो दल रहेपनि मधेशवादी दलहरुको अहिले सम्मको एकताका कारण सरकार बनाउन नसक्दा मधेशमा पार्टी र अध्यक्ष ओली प्रतिको बितृष्णामा सुधार गर्ने अवसर पाएका छैनन ।
मधेशमा बजेट अत्याधिक छुटयाइएको दावी गरिएपनि प्रदेश सरकार र यसका मुख्यमन्त्री देखि मन्त्री सम्मको संघिय सरकारको निरन्तरको विरोध र विभिन्न आरोपले त्यसलाई मत्थर पारेको देखिन्छ । हुलाकी सडकमा अहिले सम्मकै उच्च बजेट ल्याएको संघिय विभागिय मन्त्रीहरुद्वारा भाषणवाजी गर्न लगाइयो तर कार्यान्वयनमा देख्न नसकिए पछि त्यो दावी पनि सेलायो ।
किन भएन मधेश प्रतिको भावना सुधार
ओली मधेशका लागि सधै बैगुनी जस्तै हुनुमा उनको मधेश प्रतिको स्वभाव नै मुख्य रहेको जानकार र उनकै पार्टीका नेताहरु बताउछन् । २०६३/०६४ को मधेश आन्दोलन पछि तत्कालिन प्रधानमन्त्री गिरिजा प्रसाद कोइराला र नेताहरु माधव नेपाल, पुष्पकमल दाहाल प्रचण्ड सहितकाले तत्कालिन मधेशका शक्तिहरुसंग अन्तिरम संविधान संसोधन सहितको सम्झौता गर्दा एकदमै रुष्ठ र आक्रोसित भएका ओली मधेश र मधेशी प्रति कहिल्यै सकारात्मक नरहेको बामपन्थी नेताहरुकै भनाई छ ।
मधेश आन्दोलनका बेला देखाएको अडान र दिएको कडा अभिव्यक्तिहरुका कारण समेत ओली मधेशका सत्रुको रुपमा स्थापित भएभने प्रचण्ड र नेपाल र बाबु्राम मधेशका लागि ठिकैको पात्र बन्न सफल भए । तर १४ वर्षको अन्तरालको यो विभिन्न आन्दोलन र त्यसवाट भएको परिवर्तणले पनि ओली जस्ताको त्यस्तै छन् । अहिले आएर पुनः लकडाउन र महामारीकै बिच पनि ओली विरुद्वको प्रदर्शन र नारावाजी मधेशमा हुन थालेको छ । कतिपयले मधेश र मधेशीको विरोध गरेकै कारण ओलीको राजनितिक कद बढेकाले पनि उनले मधेश विरोधी छवि अहिले सम्म अंगालेको हुन सक्ने अनुमान पनि छ ।
मधेशका मुद्दाहरु सम्बोधन गरेर मधेशमा सकारात्मक पहलकदमीका साथ अगाडि बढने आशा गरिएका वेला मधेशी दललाइ नै फुटाएर मधेश कमजोर पार्न लागेको षडयन्त्र वाहिर आएपछि उब्जिएको पछिल्लो राजनितिक घटनाक्रम र नेकपा भित्रै पनि ओलीको एकलौटी पाराको विरोधी खेमा मजबुत हुनुले समेत ओली संकटमा परेका छन् । मधेशवादी र विपक्षी कांग्रेसको ओली विरुद्वको मोर्चा र नेकपाका नेपाल, प्रचण्ड, गौतम र खनाल खेमा समेत ओली विरुद्व उभिएपछि ओली झनै संकटमा परेका हुन । यद्यपि ओलीलाई नजिकले चिनेकाहरुका अनुसार भने ओली संकटले घेरिएर असफल हुने स्थितीको सृजना भए उनले जे पनि गर्न सक्ने र देशमा नयाँ संकट उत्पन्न हुन सक्ने सम्मको सम्भावना व्यक्त गरिएको छ ।
