पुरन रौनियार
जनकपुरधाम, बैशाख १२ : एका समय तत्कालिन सांसद र जनकपुरधामका नेता संजय साहको दाहिने हात र मुख्य कर्ताधर्ता थिए उमाशंकर अरगरिया । साह जेल चलान भएपछि विजय गच्छदारसंग लागेका अरगरियाको महत्वकांक्षाहरु हदै सम्म दबिएको थियो । मधेशमा आफना सहकर्मीहरु सडकमा घनघोर आन्दोलन गरिरहँदा आफना नेता गच्छदारको सत्ता समिकरणका कारण सडक भन्दा घरमै समय बिताएका अरगरियालाई उपेन्द्र यादवले स्थापित गराएका हुन ।
संजय टकला र गच्छदारको मान्छे भनेर चिनिने अरगरीयलाई २०७४ सालको आम निर्वाचनकै संघारमा तत्कालिन संघिय समाजवादीपार्टीका अध्यक्ष यादव अरगरीयालाई एकाएक पार्टीमा मात्र भित्राएनन संघिय सांसदको टिकट दिएर निर्वाचनमा उतारे । चुनाव जितेका अरगरीयालाई यादवले होनहार भन्दै पार्टीको प्रमुख सचेतक बनाइरहँदा पार्टी भित्रै चर्को असन्तुष्टी र आक्रोसको सामना गर्नुपरेको एकनेताले बताए । तर पनि अध्यक्ष यादव उनलाई विश्वास गरेको बुझिन्छ ।
रेणुलाई भजाएर पैसा कमाउने धन्दा
नाम उल्लखे नगर्ने सर्तमा एकनेताले बताए अनुसार पार्टीमा सवै भन्दा बढी अन्यायमा परेकी नेता हुन रेणु यादव । रेणुको असन्तुष्टी जायज र स्वभाविक भनिरहेका नेताहरुले अरगरीया रेणुलाई भजाएर मोटो रकम कमाउने दाउमा पार्टी फुटाउन हिनेको आरोप लगाए । एसपी खवरले करिव आधा दर्जन नेताहरुसंग गरेको कुराकानीमा कसैले पनि नाम अहिले नलेख्न आग्रह गरे । तर अरगरीया र डा.सुरेन्द्र यादव जस्ता आयातित नेताहरुको महत्वकांक्षाको खुलेर विरोध गरेका छन् ।
नेतृ रेणु यादव प्रदेश अध्यक्षमा पराजित भएपछि रेणुलाई भडकाएर नेकपासंग लवीगर्दै पार्टी फोडने योजनाकार अरगरीयालाई देखाउदै नेताहरु अरगरीयाले अध्यक्ष यादवको भावनालाई आसमानवाट जमिनमा पछारि दिएको बताउछन् । पार्टीको प्रमुख सचेतक पद आफैमा गरिमामय र संसद भित्रको महत्वपुर्ण पद हो । तर अरगरीया प्रमुख सचेतक भएकै कारण नेकपामा चिनजान बढाउदै पार्टी फोडेर करौडौं कमाउने सम्मको योजना बनाएको नेताहरु बताउछन् । नेताहरुको अनुसार रेणु यादव त नाम मात्र हुन, उनलाई भजाएर आधादर्जन सांसदहरु मन्त्री, नियुक्ती र करौडौं पैसा कमाउने प्रलोभनमा परेको स्पष्ट हुन्छ ।
पार्टी फोडन सवै भन्दा बढि सक्रियता
घटना पश्चात नेकपाका सांसदद्वय महेश बस्नेत, किसान श्रेष्ठ र पुर्व आइजिपी सर्वेन्द्र खनाललाई पनि सुन्ने हो भने अरगरीयाकै योजना, अगुवाइ र सक्रियतामा डा. यादवलाई फकाउने काम भएको देखिन्छ । डा. यादव राजनितिक व्यक्तित्व नभएको भन्दै नेताहरु अवसरको लागि जे पनि गर्न सक्ने भएकाले उनको कुनै दोष नरहेको उनीहरुको भनाई । डा. यादवले पनि सचेतक अरगरियाले आफुलाई फुल मन्त्री र केहि राजनितिक नियुक्तीको प्रलोभन दिएको प्रमाण तलको अडियोमा स्पष्ट सुनिन्छ ।
नेकपा (पुर्व माओवादी) स्रोतका अनुसार प्रधानमन्त्री ओलीका मान्छेहरु अरगरीयाकै माध्यमवाट रेणु यादवलाई समेत कन्भिन्स गरेको हुनुपर्दछ । पुर्वमन्त्री मो.इस्तियाक राईको व्यक्तिगत चिनजान र घनिष्ठता प्रधानमन्त्रीसंग भएपनि अन्य सांसदहरुलाई मिलाउने काम अरगरीयाले गरेको हुन सक्ने उनीहरुको दावी छ । यद्यपि प्लान फेल भएसंगै अरगरीयालाई करौडौंको नोक्सानी भएको उनीहरुको तर्क छ । अरु अरुलाई मन्त्री र नियुक्तिहरु दिएर पार्टी फोडने र आफु मोटो रकम कमाएर सरकारसंगको पावरमा बस्ने प्लान अरगरीयाको रहेको एकजना प्रदेश सांसदको दावी छ ।
कारवाहीको मांग
पार्टीका अधिकांश जिल्ला, प्रदेश र केन्द्रिय नेताहरु अरगरीया सहित पार्टी फुटाउन चलखेल गरेकाहरुलाई कारवाही गर्नुपर्ने मांग रहेपनि बोल्न सक्ने अवस्था नरहेको बताउछन् । कोरोना महामारी, नयाँ पार्टी एकता र मधेश माथी नै संकट रहेकाले अहिले हल्ला गर्नु उचित नभएको उनीहरु बताउछन् । यद्यपि उनीहरु नयाँ पार्टीमा नेतृत्व र पद समायोजन गर्दा यिनीहरुको चलखेल र गल्तीको कारवाही स्वरुप कारवाहीमुलक समायोजन गर्नुपर्ने मांग उठाउने बताउछन् । कारवाही गर्दा यिनीहरु पुनः पार्टी फोडन सक्ने भएकाले नेतृत्व मौन बस्नुको विकल्प नरहेको नेताहरुको दुःखेसो छ । सवैकाम अरगरीयाले गरेपनि पार्टीका शिर्षनेताहरु रेणुको घरमा बसिदिएपछि अरगरीयाले घटनालाई अंजाम दिन नसकेको बुझाई छ । नेताहरुको आरोपको विषयमा कुराकानी गर्न अरगरीयालाई फोन गर्दा उनको मोबाइल निरन्तर स्वीच अफ रहेको छ ।
यस्तो छ पार्टी फोडने योजना बनिरहेको होटल अगाडी नेताहरुले गरेको अवरोध
