एसपी रिपोर्टर
काठमाण्डौं, बैशाख १० : नेपाली कांग्रेससहित विपक्षी चार दलले सरकारले गलत नियतका साथ राजनीतिक दल र संवैधानिक परिषदसम्बन्धी अध्यादेश ल्याएको ठहर गर्दै तत्काल फिर्ता लिन माग गरेका छन् । सरकारले हालै मात्र राजनीतिक दल फुटाउन खुकुलो बनाउने तथा विपक्षी दलका नेता विना नै संवैधानिक परिषद्को बैठक बस्न सक्ने गरी दुई अध्यादेश ल्याएको थियो ।
बुधबार कांग्रेस पार्टी कार्यालय सानेपामा कांग्रेसका साथै समाजवादी, राजपा र राप्रपाका शीर्ष नेताहरुको संयुक्त बैठक बसेको थियो । नेताहरुले अध्यादेश गलत नियतको साथ आएको बताएका छन् । कांग्रेस प्रवक्ता विश्वप्रकाश शर्माले दुवै अध्यादेश जे नियत र जस्तो समयमा आएको सरासर गलत छ भन्नेमा सबै नेताहरुको जोड रहेको बताए । राहत, उद्धार र कोरोना संक्रमणको जाँचमा सरकारले भेदभाव गरेको ठहर समेत बैठकले गरेको छ । बैठकमा राष्ट्रिय जनमोर्चाका नेताहरु उपस्थित थिएनन् । तर अध्यक्ष चित्रबहादुर केसीले परिवारको सदस्य बिरामी भएका कारण आफू आउन नपाए पनि आफूहरु अध्यादेशको विपक्षमा रहेको सन्देश पठाएको कांग्रेस उपसभापति विमलेन्द्र निधिले जानकारी दिए । स्रोतकाअनुसार नेपाल मजदुर किसान पार्टी (नेमकिपा)का नेताहरुलाई समेत बैठकमा बोलाइएको थियो । तर ‘छलफल गरेर खबर गरौंला’ भनेका नेताहरुले केही जवाफ दिएनन् । नेताहरुकाअनुसार संसदमा नरहेका दलहरुसँग पनि छलफल गरेर साझा धारणा बनाउने प्रयास हुनेछ ।
यस्तो छ, विपक्षी चार दलले गरेका ६ बुँदे निर्णयहरु
