एसपी रिपोर्टर
जनकपुरधाम, चैत ३० : प्रतिनिधीसभा सांसद जुली महतोले नेपाल सरकारले विशेष कार्यविधि बनाएर खर्च गर्ने वातावरण बनाए संसदिय विकास कोषको सवै रकम पनि कोरोनाको शिर्षकमा खर्च गर्न सकिने बताएकी छन् । कार्यबिधी नबनेकै अवस्थामा संसदिय विकासकोषको रकम कोरोना प्रभावित र रोकथामका लागि खर्च गर्छु भन्नु सस्तो लोकप्रियता मात्र रहेको टिप्पनी गरेकी छन् । आइतवार एसपी खवरसंग कुराकानी गर्दै नेकपाकी केन्द्रिय सदस्य समेत रहेकी सांसद महतोले भनिन, ‘कार्यबिधीको अतोपतो छैन, करोडको करोड कोराना रोकथाम र राहतमा खर्च गर्छु भनेर सांसदहरु घोषणा गरिरहनु भएको छ, तर खर्च कसरी गर्ने ? खर्च गर्ने अधिकार छ ?’ उनको प्रश्न थियो ।
राजपाका नेता तथा धनुषाका सांसद राजेन्द्र महतोले आइतवार नै विज्ञप्ती जारी गर्दै संसदिय कोषको रकम कोरोना रोकथाममा खर्च गर्नुपर्ने व्यवस्था गर्न सरकारसंग मांग गरेको छ । सांसद जुलीले समेत त्यसमा सहमती जनाउदै नेपाल सरकारको अर्थ मन्त्रालयले यस विषम परिस्थितीमा विशेष कार्यविधी बनाएर त्यस्तो वातावरण बनाए आफुहरु यसपालिको रकम कोरोना रोकथामका लागि खर्च गर्न तयार रहेको बताइन । उनले हालको कार्यविधी अनुसार कोरोना शिर्षकमा खर्च गर्न सक्ने अधिकार नै रहेको अवस्थामा सांसदहरु जथाभावी क्षेत्रमा गएर करोडका करोड खर्च गर्ने घोषणा गर्नु तर्क संगत नभएको जिकिर गरिन । पुर्व स्वास्थ्य राज्यमन्त्री तथा समाजवादी पार्टीका सांसद डा. सुरेन्द्र यादवले आफनो संसदिय विकास कोषवाट दुई करोड कोरोना प्रभावितको लागि खर्च गर्ने घोषणा गरेका थिए ।
सांसद जुली आफुहरु समेत पार्टी र सरकारलाई सुझाव तथा दबाब दिएको र कार्यविधी बनाउन अर्थ मन्त्री समेतलाई आग्रह गरेको बताइन् । जनताको विकासका लागि आफुहरुले पाउने रकम जनताको हितमा खर्च गर्न सकिने भन्दै जुलीले भनिन, ‘जनता नै नरहे विकासको पैसाको के काम ? त्यसैले त्यो रकम यस्तो अवस्थामा खर्च गर्न सकिन्छ ।’ उनले राष्ट्रसेवक कर्मचारी र प्रहरीको तलव काटनु भन्दा सांसदहरुको यसै रकमलाई सदुपयोग गरेर जोखिममा खटने सुरक्षाकर्मी र कर्मचारीको रकम काटन नहुने समेत सरकारलाई सुझाव दिइन् ।
क्षेत्र आउन नसके पनि पहलकदमी लिइरहेको भनाई
क्षेत्र तथा जिल्लामा अहिले सम्म के कस्ता सहयोग गर्नु भो भन्ने एसपी खवरको प्रश्नमा सांसद जुलीले पार्टी र सरकारलाई दबाब दिएर क्षेत्र र जिल्ला मात्र नभई प्रदेशकै लागि काम गरिरहेको बताइन । उनले भनिन, ‘म र मन्त्री (रघुविर महासेठ) जी धनुषाको दुईवटा क्षेत्रवाट प्रतिनिधित्व गर्छु, जिल्लाको साथी र प्रदेशका साथीहरुको पनि धेरै अपेक्षा हामी संग छ, यस्तो अवस्थामा केहि चामल दाल लिएर पुग्नु भन्दा प्याकेजमै राहतको लागि छलफल भइरहेको छ ।’
स्थानिय स्तरमा राहतका लागि हामीले पार्टीवाट जितेका पालिका प्रमुख, उपप्रमुख, वडा अध्यक्ष र सदस्यहरुका साथै नेता कार्यक्रताहरुलाई खटाएको भन्दै सांसद जुलीले प्याकेजमै धनुषा जिल्लाको लागि अहिलेको समयमा केहि अति आवयश्क कुनै सान्दर्भिक सहयोग गर्न सकिन्छ भने आफुहरुलाई सुझाव दिन समेत आग्रह गरेकी छन् । उनले पार्टीवाट जनप्रतिनिधीमा निवार्चितहरु संग सम्पर्क र समन्वय गरि आवश्यक राहत र सहयोग तथा कोरोना सचेतना तथा सुरक्षाका लागि निर्देशन सहितको आग्रह गरिसकिएको समेत बताइन । यस्तो वेलामा आफुहरु काठमाण्डौमा पनि बसेर धेरै दायित्व र कर्तब्य वहन गर्न सक्ने भएकाले यसरी पनि बुझिदिन उनको आग्रह छ ।
