पुरन रौनियार
जनकपुरधाम, चैत १९ : एसपी खवरले मंगलवार वेलुकी प्रदेश २ का मुख्यमन्त्री लालबाबु राउतको भनाई उद्दृत गदै विरामीवाट भाग्न खोज्ने चिकित्सकको लाइसेन्स खारेज गर्नोस भन्ने शिर्षकमा समाचार प्रकाशित गरयो । समाचार भाइरल भयो र हजारौं हजारले यसलाई फेसबुक तथा टवीटरमा शेयर गरे । यसको अर्थ नेपालका निजी क्लिनीक सञ्चालन गर्ने डाक्टरहरु संग नेपाली जनता सन्तुष्ट छैनन् भने प्रमाणित हुन्छ । फेसबुकमा म (लेखक) आफै शेयर गरेको यसै समाचारमा केहि चिकित्सहरुले मुख्यमन्त्री तथा नेताहरुको विरोध गरेपनि आम सर्वसधारण मुख्यमन्त्रीको कुरामा सहमती जनाएको देखिन्छ ।
यद्यपि मुख्यमन्त्रीको अभिव्यक्ति प्रति प्रदेशका चिकित्सक आक्रोस व्यक्त गर्छन । वरिष्ठ स्त्री तथा प्रसुती रोग विशेषज्ञ डा. रामनरेश पण्डित एसपी खवरलाई बुधवार विहानै फोन गरि मुख्यमन्त्रीको अभिव्यक्ति समय सान्दर्भीक नभएको जिकिर गरे । उनले भने, तपाई कै समाचारको तस्वीरमा मुख्यमन्त्री ज्यूले प्रयोग गर्नु भएको एन ९५ मास्क समान्य व्यक्तिका लागि होइनन, तर मुख्यमन्त्री ज्यूले कसरी लाउनु भो ? थप प्रश्न गर्दै डा. पण्डितले मुख्यमन्त्री सहित सरकारका मन्त्रीहरु पावर र पहुँचको आधारमा सो मास्क प्रयोग गरिरहेको आरोप लगाएका छन् । डा. राउतका अनुसार सो मास्क संक्रमण पहिचान भइसकेका अस्पतालमाहरु उपचारमा खटने चिकित्सक र विरामीका आफन्तले लाउनु पर्ने मास्क हो त्यो एन ९५ मास्क ।
बंगलादेशकी प्रधानमन्त्री शेख हसिनाले सोहि मास्क प्रयोगको विषयमा भर्खरै दिएको अभिव्यक्ति सुनाउदै डा. पण्डितले भने यो समय डाक्टरलाई चेतावनी दिने समय होइन फकाएर सम्झाएर हौसला प्रदान गर्ने सयम हो । बंगलादेशकी प्रधानमन्त्री शेख हसिनाले एन ९५ मास्क सहितका पिपिई समान्य मान्छे लगाएको पाइए कोरोनाको उपचारमा उसैलाई खटाउने अभिव्यक्ति दिएका छन् । डा. पण्डितले विश्वका सवै देशका सरकारले चिकित्सकहरुको हौसल प्रदान गरिरहेको स्मरण गराउदै स्रोत र साधनको अभाव रहेको देश नेपालमा यस्तो अवस्थामा सरकारले चिकित्सकलाई हप्काउनु ठिक नहुने बताए ।
शहिद गंगालाल हृदय केन्द्र जनकपुरधाम शाखामा कार्यरत हृदय रोग विशेषज्ञ डा. राजेश साहसंग सम्पर्क गर्दा काममै रहेका डा. साहले समेत मुख्यमन्त्री राउतको अभिव्यक्तिको लागि सहि समय नरहेको बताए । ओपिडी बन्द रहेपनि आफुहरु काम गरिरहेको उनले बताए । सरकार र चिकित्सक दुवै पक्षमा त्रुटी रहेको स्वीकार गर्दै डा. साहले यो समय हप्काउने भन्दा बिन्रमताका साथ फकाएर काम लिने समय भएको बताए । विश्वका शक्तिशाली देशहरु कोरोनावाट परेशान रहेकाले चिकित्सकहरुमा त्रार र डर हुनु स्वभाविक रहेको उनले बताए । डा. भगवान कोइराला जस्ता चिकित्सा क्षेत्रका कडा प्रशासकको भर्खरै प्रकाशित लेख पढन समेत उनले मुख्यमन्त्री राउतलाई सुझाव दिएका छन् ।
भाषण र चेतावनी दिएर मात्र नहुने बताउदै चिकित्सहरुले प्रदेश सरकारले चिकित्सका लागि उपयुक्त बातावरण बनाउन तर्फ अग्रसर हुन प्रदेश सरकारलाई आग्रह गरेका छन् । भारत, अमेरिका, स्पने, इटली जस्ता देशका सरकारहरुको एउटै भरोसा चिकित्सक क्षेत्र रहेको र दैनिक हात जोडेर मनोबल बढाउने काम गरिरहेको समयमा प्रदेश सरकारको यस्तो अभिव्यक्तिले चित दुःखेको उनीहरुको भनाई छ ।
जनताको नजरमा अहिलेको चिकित्सा क्षेत्र
अहिले चैत महिनाको समय हो । यस महिनामा जाडो सकेर गर्मी प्रारम्भ हुने भएकाले पनि समान्य ज्वरो, रुघाखोकी स्वभाविक हो तर ई समान्य विरामीका लागि समेत अहिले चिकित्सक उपलब्ध नहुदाँ त्यसकारण समेत जनता थप भय र त्रासको जिवन यापन गर्न बाध्य छन् । पेशाकर्मी र सेवागत पेशाकर्मीमा फरक हुन्छ । सुरक्षाकर्मी, चिकित्सक, सञ्चारकर्मी, मानवअधिकारकर्मी, कलाकार आदीप्रति देशको वेग्लै अपेक्षा र जिम्मेवारीबोध हुन्छ । देश त्यतीकै यस पेशाकर्मीहरु प्रति गर्व गर्दैन होला केहि न केहि अपेक्षा त अवश्य होला नै ।
ति पसले जस्ले अझै दैनिक सैयौं विरामीको सेवा गर्छ
जनकपुरधामको रामानन्दचौकमा दशकौं दशक देखि औषधी पसल सञ्चालन गर्दै आएका मनोज सिंहका लागि लकडाउनको समय झनै व्यस्ताको समय भएको छ । डाक्टरहरुको उपचार नपाएपछि हतास हुदै आउने समान्य विरामीहरुका लागि अहिले सिंहकै औषधी र परामर्श अमृत सावित भएको छ । सिंहले आफु डाक्टर नरहेपनि दशकौ दशकको अनुभव र भारोसाकै कारण विरामीहरु आउने गरेको र इश्वरको कृपाले सवैलाई निको हुने गरेको बताउछन् । हिजो मैले वहाँहरुवाटै केहि आम्दानी गरेर कमाएर घर चलाउदै आएको छु तर आज परेको वेला कसरी बन्द गरेर भाग्नु ? सिंहको भनाई छ । यद्यपि उनले सुरक्षा सतर्कता अपनाएको बताए ।
औषधी व्यवसायी सिंह नाकमा मास्क, हातमा पञ्जा र कपालमा समेत पिपिइ किट लगाएर ज्वरोका विरामीलाई नछोई विरामीलाई थर्मामिटरले आफै ज्वरो नाप्न लगाई औषधी दिने गरेका छन् । पसलमा भिड भए दुरी बनाएर लाइनमा बस्ने र पालै पालो औषधी तथा परामर्श दिने व्यवस्था उनले गरेका छन् । सिंहको जनसेवा औषधी पसलमा जनकपुरधाम वडा नं. ८ मात्र नभई करिव आधा दर्जन वडाका समान्य विरामीहरु औषधी लिन आउने गरेका छन् । दशकौंको अनुभवी सिंह ग्राहकका लागि भरपर्दो चिकित्सक नै हुन । उनको पसलमा आउने विरामीहरु उनलाई कुनै पनि डाक्टर भन्दा कम मान्दैनन । विभिन्न राजनितिक दलका नेताहरु समेत विशेषज्ञ चिकित्सक पुग्नु भन्दा अगाडि सिंहसंग परार्मश लिने गरेका छन् । उनी धेरैको पारिवारिक चिकित्सय सल्लाहकार समेत हुन । कोरोनाको हल्लाका बिच समान्य ज्वरो लागेका विरामीहरुका लागि अहिले उनको औषधी र परार्मश डर र त्रास भगाउने राम वाणको काम गरिरहेको छ ।
यि त एक उदाहरण मात्र हुन, जनकपुरधाम प्रादेशिक अस्पताल अगाडि र छेछाउका अधिकांश औषधी पसल पनि बन्द छ जबकी औषकी पसल बन्द नगर्न सरकारले भनेको छ । तर जस्को मनमा सेवा भाव छ उ अझै पनि पसल खोलेका छन र आउने विरामीलाई सवै लक्ष्ण कोरोना नै होइन भन्दै डर र त्रास न्युनीकरणमा भुमिका निर्वाह् गरिरहेका छन् । चिकित्सकले आफनो पेशा र त्यसको मर्यादा तथा प्राथमिकता बुझन जरुरी छ । निजि क्लिनीकमा सुरक्षाका सवै उपाय अपनाएर चिकित्सकहरु उपचारलाई सुचारु गर्नु पर्दछ । शंकाष्पद विरामीहरुलाई परार्मश दिनुपर्दछ । नभए अज्ञानतावस पनि समाजलाई झनै संक्रमणको खतरा छ । सरकारले १ सय दशमलव ४ भन्दा माथीका विरामीलाई सरकारी वा कोरोना परिक्षण स्थलमा रेफर गर्न भनेकै छ । तर त्यस भन्दा मुनिका विरामीहरु किन उपचार पाइरहेका छैनन ? प्रश्न छ ।
प्रदेश २ सरकारले दायित्व र जिम्मेवारी बोध नगरे कारवाही गर्ने बारे आज जारी गरेको विज्ञप्ती
