पिजी पत्रकार
जनकपुरधाम, चैत ६ : सत्तारुढ मधेशी दलहरु सपा र राजपाको मधेश प्रदेश प्रस्ताव असफल भएपछि उनीहरुले तत्काल राजधानी समेत नतोकेर नेकपा र कांग्रेसलाई गलाउने रणनिति बनाएको छ । मधेश प्रदेशको पक्षमा दुइ तिहाइ ७२ मत नपुगे पछि मधेशीदलले राजधानीलाई समेत तत्काल होल्ड गरि राजधानीलाई अस्त्र बनाएर विपक्षीलाई गलाउने रणनिति तय गरेको हो । यद्यपि सत्तापक्ष र विपक्षले भने पुर्व सहमती अनुसार आफुहरु जनकपुरधामका लागि मतदान गरेको दावी गरिरहेको छ । राजधानीका लागि कुल संख्या १ सय ७ मध्ये जनकपुरधामको पक्षमा ५२ र विपक्षमा पनि ५२ मत परेको छ भने ३ मत बोकस भएको छ । नेकपा र कांग्रेसले जनकपुरधामको पक्षमा परेको ५२ मत आफुहरुकै रहेको बताएर जनकपुरधामको पक्षमा बोलेका छन । इ दुवै दलको ३२ र १९ गरि कुल ५१ मत हुन्छ । उता सत्तारुढ सपा र राजपाले पनि आफुहरुको कुल ५५ मत मध्ये तिन बोकस भएर ५२ मत जनकपुरधामलाई परेको बताइरहेको छ । राजधानीका लागि यस अघि जनकपुरधामको पक्षमा सर्वदलिय सहमती भइसकेकाले जनकपुरधामको विपक्षमा बोल्ने हिम्मत दुवै पक्षमा देखिदैन ।
राजधानीका लागि निर्णायार्थ प्रस्तुत भएको तिनवटा प्रस्तावहरुमा अन्य दुईवटा प्रस्तावहरु क्रमश बृहतर बिरगंज (मैत्रीपुल–जितपुरसीमा–लक्ष्मणवा–बिन्दवासिनी) को पक्षमा ३७ मत र बिरगंज महानगरपालिकाको पक्षमा ३३ मत परेको हो । राती करिव डेढ बजे सम्म चलेको प्रदेशसभाको बैठक र मतदानले पनि प्रदेश २ को नाम र राजधानी तय गर्न सकेन । प्रदेशको नाम र राजधानीका विषयमा सवै भन्दा संवेदनशिल मानिएको प्रदेश ३ को नाम र राजधानी समेत नेकपा र कांग्रेसले मिलेर सफल गर्न सकेको अवस्थामा योजना र बजेट भागबण्डामा सहोदर भाइ÷भाई जस्तै देखिने प्रदेश २ को सत्तापक्ष र विपक्षले सहमती गर्न नसक्नुले जनतालाई दुखित तुल्याएको छ । प्रदेश २ का जनता यहाँको राजनिती र दलहरु मधेशको नाम र पहिचान भन्दा पनि बजेट र योजना तथा कमाईको लागि मात्र रहेको पुष्टी भएको टिप्पनी गर्न थालेका छन् ।
प्रदेश २ को नाम तत्काल प्रदेश २ र जनकपुरधाम अस्थाई नै रहेने भएको छ । चौथो तथा अन्तिम प्रस्तावका रुपमा राती भएको मतदानमा मधेश प्रदेशको पक्षमा कुल ६० मत मात्र परेको छ । प्रदेशसभाको १ सय ७ मध्ये सत्ताधारीको ५५ र रिजवान अन्सारी नेतृत्वको नेपाल संघिय समाजवादीको एक गरि ५६ मत निश्चित रहेपनि अन्यदलवाट मात्र ४ मत प्राप्त भएपछि सत्तारुढ दलहरुको यो प्रस्ताव समेत अस्वीकृत भएको छ । यस अघि क्रस भोटिङ्ग भएर मधेश प्रदेश कायम हुने सम्भावना व्यतm गरिएको थियो । तर दलहरुले जारी गरेको ह्वीप अनुसार नै अधिकांश सांसदले मत खसालेपछि मधेश प्रदेशको सम्भावना समेत तत्कालका लागि टरेको छ । एता मधेश प्रदेश स्वीकृत भएसंगै सत्तारुढ दल राजपा र समाजवादी पार्टीको बैठक बसेको छ । नाम तर्फ नेकपाको जानकी प्रदेशले ३७, कांग्रेसको मिथिला भोजपुराले २८ तथा चारजना कांग्रेस सांसदको सांसदले बेग्लै दर्ता गराएको मध्य मधेशले अहिले सम्मको सर्वा्धिक ४२ मत पाएपनि दुइतिहाइ नभएकाले अस्वीकृत भइसकेको छ ।
अर्को संजोग प्रदेशभसामा कुल १ सय ७ सांसदमा महिला सांसदहरुको संख्या ३७ रहेको र जानकी प्रदेशको पक्षमा ३७ मत पनि प्राप्तको संजोग मिलेको छ । ३२ जना सांसदहरु रहेको नेकपाको जानकी प्रदेशले ३७, १९ जना सांसद रहेको कांग्रेसको मिथिला भोजपुराले २८ मत पाएको छ । जवकि चारजना मात्र कांग्रेसका सांसदहरुले बेग्लै दर्ता गराएको मध्य मधेशको प्रस्तावको पक्षमा ४२ मत खसेको छ । कांग्रेसको दलिय आधिकारिक प्रस्ताव भन्दा बागी प्रस्ताव १५ मतले आगाडि देखिएको छ । सत्तारुढ दल समाजवादीको ३० र राजपाको २५ र रिजवान अन्सारी नेतृत्वको संघिय समाजवादी नेपालको एक गरि मधेश प्रदेशको पक्षमा ५६ मत छ भने दुइतिहाई पुरयाउन ७२ ल्याउनु पर्ने अवस्था छ । प्रदेशको नाम र राजधानीका लागि अव पुनः सुरु देखि अर्को प्रक्रिया गर्नुपर्ने हुन्छ जस्मा पुनः लामो समय लाग्न सक्ने छ । एता कोरोनाको त्रासका कारण प्रदेशसभा बैठक समेत बस्न सक्ने अवस्था नरहेकाले प्रदेशको नाम, पहिचान, र मुकाममा अन्यौलता छाएको छ । मधेशी दलले जनकपुरधामवाट राजधानी भाग्ने कुनै सम्भावना नरहेकाले मधेशको लागि लडाई लडिरहने बताउछन् । राजपाका एकजना सांसदले पारित नभएपनि जनकपुरधाम राजधानी रहेको र अहिले नाम र पहिचान मुख्य विषय रहेकाले कांग्रेस र नेकपालाई गलाउनुको विकल्प नरहेकाले जनताले पनि सो कुरा बुझन पर्ने बताउछन् ।
