पुरन रौनियार
जनकपुरधाम, साउन २२ : प्रसंग विदेह नगरपालिका वडा नं. २ स्थित नेपाली चौक दुहवीको हो । एसएसबीको चेक पोष्टको करिव २५ मिटर छेउमै मिटहाउस तथा रक्सी पसल अझै सञ्चालनमा छ तर प्रहरी मुखदर्शक बनेका छन् । होटलको कुनै नाम वा बोर्ड झुन्डियाइएको छैन तर दैनिक भारतिय ग्राहकले होटल भरिभराउ हुन्छ ।
हेर्नोस भिडियो
कोरोना कहरमा पनि नेपाली रक्सी पसलमा भारतिय ग्राहकको भिडभाडले स्थानिय त्रसित भएका छन उनीहरु डरले केहि बोल्न सक्ने अवस्था पनि छैन । भारत तर्फवाट अनेक किशिमको मान्छेहरु आएर रक्सी खाने गरेकाले आफुहरुको नाम नखोल्न उनीहरुले एसपी खवरलाई आग्रह गरेका छन् ।
स्थानियका अनुसार एसएसवीलाई कुनै मतलव छैन भने नेपाल तर्फ नेपाल प्रहरी दुहवी प्रहरी चौकी र सशस्त्र प्रहरी महिनाथपुर वेसलाई ५ देखि १० हजारको महिना दिएर भारत दुहवी बस्ने बिरेन्द्र साहले रक्सी पसल चलाउदै आएका छन् । केहि स्थानियले एसपी खवरलाई फोन गरि जनाए अनुसार अहिले सम्म उनीहरु चुप रहेको तर भारतिय ग्राहकको आवागमन संगै कोरानाको डर र त्रास बढेकाले निद्रा समेत हराउन थालेका छन् ।
विहारमा रक्सी प्रतिबन्ध रहेकाले उनको ग्राहक अधिकांश भारतिय रहेको र अहिले कोरोनाको समेत जोखिम भएकाले उनीहरु बाध्य भएर फोन गरेका हुन । उनीहरुका अनुसार सिमाको चेक पोष्ट भन्दा कम्तिमा ५ सय मिटरको दुरुमा रक्सी पसल जस्ता पसलकहरु सञ्चालन गर्ने प्रावधान छ तर सो पसल एसएसवीको चेकपोष्ट देखि नेपाली दुहवी क्षेत्रको अधिकतम २५ मिटरको दुरीमा मात्र छ ।
निषेधाज्ञाका वेला कोरोनाको कहरमा रहेको भारितय बजारवाट नेपाल प्रवेश गरि रक्सीको व्यापार खुलेआम हुने गरेको भएपनि प्रहरी मौन र मुखदर्शक बन्नु शंकाष्पद छ । यसलाई तुरन्त रोक्न स्थानिय प्रशासनले ध्यान दिनुपर्दछ ।
