एसपी रिपोर्टर
जनकपुरधाम, जेठ ३ : लकडाउनका बिच जनकपुरधामको रामानन्दचौक स्थित एक ज्वेलर्स पसलमा डकैती भएको छ । रामानन्दचौक स्थित प्रादेशिक अस्पताल जानेबाटोमा रहेको महावीर ज्वेलर्समा लाखौं लाख बराबरको सुनचाँदीको गरगहना चोरी भएको छ ।
ज्वेलर्स पसल छेउमै रहेको प्रेम कुट्टी मन्दिरको मुख्यप्रवेशद्वार मै रहेको पसलको पुर्वतर्फको पर्खालको करिव २ फिटकै भेन्टिलेशनवाट भित्र प्रवेश गरि अज्ञात समुहले पसल भित्ररहेको गरगहनार जीन्सी चोरी गरि लगेको छ । ज्वेलर्सका सञ्चालक श्याम साहको अनुसार शुक्रवार राती १२ बजे पछि चोरी भएको हुनुपर्दछ । भेन्टिलेशन एकडेढ फिटको सानो रहेकाले कुनै बच्चा वा किशोरलाई भित्रै प्रवेश गर्न लगाई चोरी गरिएको हुन सक्ने अनुमान गरिएको छ ।
सञ्चालक साहका अनुसार धेरै दिन देखि पसल बन्द रहेको र पसलको विपरित सडकको उतरतर्फ घर समेत रहेकाले सवै गरगहनाहरु पसलमै थियो । पसलभित्र काउन्टर तर्फको पर्खालमा रहेको शोकेस भित्रको सुनका सवै हार, तिलहरी र गरगहनाहरुका साथै सुनचाँदीको प्लेट, सिक्काहरु सवै चोरी भएको छ ।
पसल दुई महिना देखि बन्द रहेकाले समानहरुको एकिन नभएकाले करि मोल बराबरको गरगहना थियो अहिले नै केहि भन्न नसकिने सञ्चालक साहको भनाई छ । जिल्ला प्रहरी कार्यालय धनुषाका प्रहरी उपरिक्षक सहितको टोली घटनास्थल पुगेर निरिक्षण गर्दै चोरी घटनाको अनुसन्धान गरिरहेको बताइएको छ ।
