एसपी रिपोर्टर
जनकपुरधाम, फागुन १४ : धनुषाको एक प्रसिद्व मन्दिरबाट मूर्तिसहित गरगहना चोरी भएको छ । जिल्लाको क्षिरेश्वरनाथ नगरपालिका वडा नं. १ रमदैयास्थित प्रसिद्ध माता राजदेवी मन्दिरबाट गएराती देवीको प्रतिमा, सुनको मुकुट र गरगहना चोरी भएको हो ।
समुहमै आएको चोरहरुले शनिवार राति करिब १२ बजेको समयमा करिब ६ लाख रुपैयाँ बराबरको सर सामान चोरी गरेर लगेको मन्दिरका पुजारी धिरज यादवले जानकारी गराएका छन् । जनकपुर–ढल्केवर सडक खण्डमा पर्ने यो मन्दिरमा पटक पटक चोरी भएपनि प्रहरी प्रशासन गम्भीर नभएको आरोल लागिरहेको छ ।
समुहमा आएका चोरहरु मध्ये चारजना मन्दिर भित्र प्रवेश गरि धमाधम माता देवीको प्रतिमा सहितका सरसमानहरु चोरी गरिरहेको सिसिटिभी फुटेजमा देखिन्छ । पछि चोरहरुले सिसिटिभी क्यामेरा पनि बन्द गरेका छन् । धनुषाक डिएसपी वेद प्रसाद गौतमले चोरीमा संलग्नकहरुको खोजतलास गर्न प्रहरी परिचालन भएको बतबाए ।
