एसपी रिपोर्टर
जनकपुरधाम, चैत ७ : सर्लाहीको कालिन्जोर नदीमा रातारात उत्खनन भइरहेपनि प्रहरी प्रशासन मुखर्दशक बनेर बसेका छन् । सर्लाहीको क्षेत्र नं. १ लालबान्दी र रानी गञ्जको बिचमा पर्ने लिन्जोर नदीमा पुर्व पश्चिम राजमार्गको एक किलोमिटर मात्र भित्र देखि करिव ५ किलोमिटर सम्म अवैध रुपमा रातारात खोला उत्खनन भइरहेको स्थानिय युवा अगुवा लक्ष्मण खडकाले बताएका छन् । प्रदेश २ को नदीहरुमा अवैध उत्खनन नगर्न प्रदेश सरकारले निर्देशन दिएपनि प्रहरी प्रशासनको मिलिभगतमा रातारात उत्खनन भइरहेकाले स्थानिय रानीगञ्ज, शाहेवगञ्ज, डाराटोल र रञ्जितपुरसहितका स्थानियहरु डुबानको चिन्तामा परेका हुन । अवैध उत्खननमा लालबन्दी नगरपालिका वडा नं. १७ का वडा अध्यक्ष नवराज अधिकारीकै क्रसर उद्योग प्रिन्स क्रसर स्टोर र गजुरमुखी निर्माण सेवाको संलग्ना रहेको छ । रेल्वेको ट्रयाक निर्माणमा समेत ठेक्का समेत पाएका उनीहरु अवैध रुपले रातारात नदी उत्खनन गरिरहेको स्थानिय राम सिंहले बताए ।
स्थानिय युवा राम सिंहका अनुसार करिव ५ किलोमिटर सम्म पुरै नदी उत्खनन भइरहेको छ । आफुहरुले उत्खनन रोक्न भन्दा प्रहरी प्रशासनमा गएर निवेदन दिन उल्टै घुर्की लाउने गरेको सिंहले बताए । आफुहरु लालबन्दी स्थित प्रहरीका प्रहरी उपरिक्षक नारायण थापा देखि प्रदेश प्रहरी प्रमुख डिआइजी प्रधुमन कार्की सम्मलाई उत्खननको विषयमा जानकारी गराएको युवा युवाहरुको भनाई छ । डिआइजी कार्कीले ध्यानाकर्षण गराउदा केहि समयका लागि स्काभेटरहरु जंगलमा लुकाएको समेत युवाहरुको भनाई छ । एता प्रहरी निरिक्षण खडकाले एकवटा स्कोभेटर यन्त्रणमा लिएको समेत खुलेको छ । अवैध उत्खनन नरोकिए यस अघि झै त्यसक्षेत्रका बस्तीहरु रानीगञ्ज, शाहेवगञ्ज, डाराटोल र रञ्जितपुर सहितका टोलहरु डुबानमा पर्ने खतरा छ । लालबन्दीको वडा नं. १ देखि ९ सम्म डुबानवाट प्रभावित हुने उनीहरुको भनाई छ । अवैध उत्खननमा वडा लालबन्दी वडा नं. १७ का मात्र नभई ६ र ७ का वडा अध्यक्षहरुको समेत मिलिभगत हुन सक्ने उनीहरुको आशंका छ । उत्खनन तत्कालि नरोकिए आफुहरु स्थानियवासी सहित आन्दोनलमा उत्रने र रमाजमार्ग अवरुद्व गर्ने उनीहरुको चेतावनी छ ।
