पुरन रौनियार
जनकपुरधाम, असार ९ : जनकपुरधाम उपमहानगरपालिकाको निति तथा कार्यक्रम र बजेट अहिले कुकुरका अगाडि फालिएको मासुको हड्डी सावित हुदैछ । र त्यो सावित गर्ने काम उपमहानगरपालिकाका मेयर, उपमेयर, वडा अध्यक्ष देखि सदस्य सम्मले गरिरहेका छन् । कोरोना काल चल्दै छ सवै भन्दा ठुलो धन भनेकै ज्यान हो तर पनि त्यसको कुनै प्रवाह नगरि राती १२ बजे सम्म हुने हो हल्ला र भिडभाडले बजेट (पैसा) सवै थोक हो भन्ने चरितार्थ इ महामानवहरुले गरिरहेका छन् ।
जनतालाई सवै थोक थाहा छ उनीहरुले सवै बुझेका छन यो नारा जुलुस, हो हल्ला हाम्रो लागि होइन ति तिनका आफनै लागि हुन भनेर । मेयर र उपमेयरले आफनो स्वामित्वमा सवै थोक होस भन्ने इच्छा जाहेर गर्नु, वडा अध्यक्षले कम्तीमा डेढ करोडको योजना हात पार्न खोज्नु र वडा सदस्यहरुले पनि आफु पनि भ्रष्टचार गर्ने ठाँउ पाउनु परयो भन्नु सवैको नियतमा खोट देखिन्छ ।
जनप्रतिनिधी जो समाजका अगुवा हुन्छ उनीहरुले नै रातराती सम्म भिडभाड गर्ने गरेपछि जनता पनि निर्धक्क भएर घर वाहिर निस्कने नै भए त्यसो भएपछि महामारीको प्रकोप त आफनो ठाँउमा छदैछ । जनप्रतिनिधीले म के गर्दै छु, समय र अवस्था के छ ? हाम्रो गतिविधीलाई जनताले कसरी लिदैछ र यस्ले के प्रभाव पार्छ बुझन छाडेपछि समाज कता जान्छ तपाई हामी सहजै अनुमान गर्न सक्दछौं ।
विरोध र प्रदर्शन तथा होहल्ला र भिडभाड गर्नेहरु सवैले जनतालाई देखाएर नारा लगाउने गरेका छन तर जनतालाई भने राम्ररी थाहा छ यो भिडभाड र होल्ला के का लागि हुदैछ भनेर । उदाहरणको रुपमा हामी वडा सदस्यहरुलाई लिन सक्दछौं । जनकपुरधामका अधिकांश वडाको निति तथा योजना वडा अध्यक्ष आफैले बनाएको आरोपमा लागउछन वडा सदस्यहरु तर भित्रि कुरा बेग्लै छ । उनीहरुको पनि महत्वकांक्षा यहाँ सम्म छ की गत तिन वर्षमा हामिले के कमायौं भन्ने सवाल वडा अध्यक्ष समक्ष राख्न थालेका छन् ।
वडा अध्यक्षहरु मनमौजी योजना बनाउदा समेत र विकास निर्माणको काम गर्दा समेत कमिशन खाएर धनी भइरहेको देखेपछि ति पाँचजना वडा सदस्यहरुमा समेत धन आर्जनको महत्वकांक्षा नपलाउने कुरै भएन । तिन तहको सरकार बन्दा महत्वकांक्षा बढेसंगै भ्रष्टाचारको स्केल समेत बढने नै भयो । तर जनतालाई भने घाटै घाटा निश्चित छ । जनप्रतिनिधीले गर्ने भनेको विकासको नाममा गिटी, बालुवा र सिमेन्टको काम हो तर भ्रष्टाचारको कारण ति कामहरु पनि दुई वर्ष सम्म मात्र टिकाउ हुने अर्को सास्ती जनतालाई नै छ ।
विकासको काम टिकाउ र दिर्घकालिन भए योजना र कमाई कम हुने डर पनि जनप्रतिनिधी कमसल काम गर्ने गरेपछि त्यसको मार पनि जनतालाई पर्ने भएको छ । जनकपुरधाम उपमहानगरपालिकाको शाहिकालिन दृश्य झल्किने त्यो प्रवेशद्वारा भित्र मेयर र उपमेयर मात्र चर्चामा आउने गरेपनि हरेक कर्मचारी देखि वडा अध्यक्ष हुदै वडा सदस्य सम्म घरमा पुजापाठ गरि दैनिक केहि अतिरिक्त कमाइ होस भन्ने कामना सहित पुग्ने गरेका छन् । विभिन्न वाहानामा पत्रकारहरुलाई समेत ५ सय देखि ५ हजार सम्म सौहादपुर्ण रुपमै दिने ति भ्रष्टाचारीहरु त्यसकै वाहानामा पत्रकारहरुलाई पनि विकाउ भन्दिहाल्छन् तर आफुले गरेको भ्रष्टाचारको रेसियो मनन गर्दैनन ।
भ्रष्टाचार गर्न केहि न केहि काम त गर्नै पर्ने हुन्छ तर ति काम जनताको हितमा सावित भएको देखिदैन । यि यस्ता महत्वकांक्षाको जालमा हाम्रो समाज फँस्दैछ । वडा सदस्य विकास निर्माणको टेन्डर हत्याउनका लाग भन्दा पनि समाजवको सवै वर्ग र समुदायमा विकास र समानता होस भन्ने सहजीकरणका लागि हुनु पर्नेमा उनीहरुमा देखिने महत्वकांक्षाले हामी वडा अध्यक्ष, उपमेयर, मेयर देखि सांसद मन्त्रीको महत्वकांक्षा अनुमान गर्न सक्दछौं ।
