चितवनको इच्छाकामना गाउँपालिका–५ स्थित ३ नम्बर पुलबाट मोटरसाइकल दुर्घटनामा परेर त्रिशूली नदीमा हराइरहेका २७ वर्षीय रोहित रानाको शव १० दिनपछि फेला परेको छ।
उनी भारतीय सेनामा कार्यरत थिए। नारायणघाटबाट मुग्लिनतर्फ आउँदै गरेको बा ०६–०२ प ९२०४ नम्बरको मोटरसाइकल गत फागुन २ गते बिहान दुर्घटना भएको थियो। दुर्घटनामा परी नदीमा हराइरहेका रानाको खोजीका लागि सशस्त्र प्रहरीको गोताखोर निरन्तर परिचालन गरिएको थियो। जसअनुसार आइतबार विहान सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक भुल बहादुर थापाको कमाण्डमा परिचालित गोताखोरसहितको सुरक्षा फौजले फेला पारेको सशस्त्रका सहप्रवक्ता सैलेन्द्र थापाले जानकारी दिए। उनी चितवनस्थित घरबाट काठमाडौँ हिँडेको अवस्थामा दुर्घटनामा परेका थिए।
