सविना मानन्धर
(बाँपीझ्याला) दोलखा, साउन २६ : ऐतिहासिक प्राचिन नगर दोलखाको आफ्नै विशेषता र महत्व रहेको छ । यहाँ बर्ष भरी आफ्नै मौलिकताको चाडपर्व, जात्रामात्राहरु मनाउने गर्दछन् । विशेष गरी नेवाः जातीको बसोबास रहेको यस दोलखा शहर हालको नगरमा चाडपर्व, जात्रामात्राहरु मनाउने गरेका छन । जस्ले नेवाः जातीको पहिचान कायम गर्नुका साथै नेपालको साँस्कृतीक क्षेत्रमा ईज्जत र गौरव बढाउन मद्धत गरेको छ ।
बर्षा मौसममा रात्रीकालीन समयमा निकालिने भैरब कुमारी जात्रा देशको कुनै पनि ठाउँमा नभएको यस जात्राको छुट्टै मौलिक विशेषता र परम्परा रहेको छ । समृद्ध दोलखा नगरको महत्वपूर्ण जात्राहरु मध्ये गाईजात्राको भोली पल्ट बेलुकी द्धितिया देखि षष्ठिसम्म लगातार ५ दिन (बेलुकी) सम्म जात्रा निकाली बिधिपूर्वक मनाईने भैरब र कुमारी (बालकुमारी) जात्रा यसपाली कोविड १९ को संक्रमणको जोखिमका बाबजुद पनि पाँच दिवसीय जात्रा आइतवार समपन्न भएको छ । २०७७ श्रावण २१ गते देखि २५ गतेसम्म जात्रा मनाइएको हो ।
गत सालमा जस्तो दोलखा जिल्ला भन्दा बाहिरको भक्तजनहरुको उपस्थित हुन नसके पनी स्थानिय नगरवासिन्दाहरुको व्यापक सहभागीता रहेको थियो । यसै गरी जात्रा सम्पन्न भएपनी विगतको वर्ष जस्तो भैरव कुमारी जात्रामा जसरी स्थानिय महिला दिदिबहिनीहरु ब्रत बस्ने गर्दथ्यो यसवर्ष भने प्रभावित भएको बताइएको छ । यसै गरी टोल टोलमा जुन बिधि अनुसार नचाउनु पर्ने थियो त्यो अनुसार नाचे पनी पहरलाई छोट्याउने काम भयो । सहज रुपमा भक्तजनले जात्रा हेर्न पाएन भने त्रास, दबाब संग सगै स्थानिय युवा, समाजसेवीहरुको सहयोग र गुठीयारहरुको सक्रियतामा यसपालीको भैरव कुमारी जात्रा सम्पन्न भएको भीमेश्वर नगरपालीका वडा नं. २ का वडाध्यक्ष विराजमान श्रेष्ठले जानकारी गराएका छन् ।
